ဧပရယ်ဖူးလ်

           `ဒီနေ့ April fool ကွ........... ဟုတ်ပြီ ............သူငယ်ချင်းတွေကိုအရူးလုပ်ရမယ်။`
        ကျမနားကဖြတ်သွားသည့်ကောင်လေးတသိုက်ပြောသွားခြင်းဖြစ်သည်။April fool ဆိုသည့်စကား 
ကြားရတိုင်းရင်သည်တဆစ်ဆစ်နာကျင်တတ်စမြဲ။ကျင်စက်နှင့်တို့ခံရသူပမာနွမ်းလျပင်ပန်းနေမြဲပင်.......
နှစ်တွေတော့ကြာခဲ့ပါပြီ။သို့သော်ရင်မှဒဏ်ရာကယခုတိုင်သစ်ဆဲ။ဧပရယ်လ်ရောက်တိုင်းနွေလေရူးနှင့်အ
တူရူးခဲ့ရသည်ပဲ..........
         တချိန်ကကျမလည်း April fool မှာပျော်ရွှင်တတ်ခဲ့သည်။သူငယ်ချင်းမိတ်ဆွေအပေါင်းအသင်းများ
ကိုနောက်ရင်းပြောင်ရင်းဖြင့်လှပသည့် April fool နေ့ရက်များကိုပိုင်ဆိုင်ခဲ့ဖူး၏။ကျမ၏မရိုးနိုင်သောနောက်
ပြောင်ကျီစယ်မှုများကြောင့်လည်းသူငယ်ချင်းများမှာရင်ခုန်စိတ်လှုပ်ရှားခဲ့ကြရသည်တဲ့။သို့သော်ကျမ၏ကျီ
စယ်မှုကြောင့်ပင်`ကို့`ကိုတသက်စာဆုံးရှုံးလိုက်ရခြင်းဖြစ်သည်။
        မိဘမဲ့တစ်ကောင်ကြွက်ကျမအတွက်`ကို`ဟာချစ်သူရည်းစားတစ်ယောက်သာမဟုတ်ပဲဆွေမျိုးသား
ချင်းတစ်ယောက်ကဲ့သို့အားကိုးခဲ့ရသည်။ငယ်စဉ်ကတည်းကသွေးအားနည်းတတ်သည့်ကျမမှာမကြာခဏဆို
သလိုဖျားနာတတ်၏။ကျမနေထိုင်မကောင်းဖြစ်တိုင်းလည်းအကိုကြီးတစ်ယောက်ကဲ့သို့တဗျစ်ဗျစ်တောက်
တောက်ပြောရင်းပျာယာခတ်အောင်ပြုစုပေးခဲ့သူက`ကို`ရယ်ပါ။`ကို`ဟာကျမကမ္ဘာ၊ကျမရဲ့အလင်းရောင်။
ခုတော့ကမ္ဘာလည်းပျောက်၊သန်းခေါင်လည်းရောက်ခဲ့သည်မှာကြာပါပြီကော............
         တခုသောဧပရယ်လ်၁ရက်နေ့မှာပေါ့။နောက်ပြောင်ရာတွင်အမြဲစိတ်ကူးဆန်းပြားလေ့ရှိသည့်ကျမက
`ကို့`ကိုစဖို့အကြံရသဖြင့်သူငယ်ချင်းများကိုအကူညီတောင်းကာဖုန်းခေါ်ခိုင်းလိုက်သည်။ကျမနေမကောင်း
ဖြစ်ကာသတိလစ်နေသည်မို့ဆေးရုံပို့ရန်လာပေးဖို့`ဖွေး`ကပြောတော့အစိုးရိမ်လွန်သွားသည့်`ကို`ဟာအ
လုပ်ထဲရောက်နေသော်လည်းချက်ခြင်းလာမည့်အကြောင်းပြောသည်တဲ့။`ကို`၏အဖြစ်သည်းပုံကိုသူငယ်
ချင်းများကအားကျစိတ်ဖြင့်စကြသည်။
             `ထားတို့ကံကောင်းပုံများရည်းစားတစ်ယောက်ထားတာအဖေ၊အမေတင်မကဘူး။အကိုပါရလိုက်
တာကိုး`တဲ့လေ........
         ဒီတော့ကျမမှာကြည်နူးစိတ်ဖြင့်`ကို`အလာကိုအဆောင်ဝရံတာမှာထွက်စောင့်နေလိုက်သည်။`ကို`
လာမည့်အခါတိုင်းယခုကဲ့သို့အဆောင်ဝရံတာရှေ့ထွက်ကာမျှော်နေတတ်မြဲ။`ကို့`ကားလေးကျမမြင်ကွင်း
ထဲဝင်အလာမှာပဲမျှော်လင့်မထားသည့်အဖြစ်ဆိုးကြီးဖြစ်ပျက်သွားခဲ့သည်။ကျမအတွက်စိတ်ပူနေသည့်`ကို`
ကကားကိုအရှိန်နှင့်မောင်းလာရာမှရုတ်တရက်အကွေ့မှာတဖက်မှလာသည့်အုတ်တင်ကားဖြင့်ဝင်တိုက်မိ
တော့သည်။နှစ်ဖက်လုံးမှာအရှိန်နှင့်ဖြစ်၍`ကို့`ကားလေးမှာတပတ်လည်ကာတိမ်းမှောက်သွားသည်။မိနစ်
ပိုင်းလေးအတွင်းမှာပင်ချစ်ရသည့်`ကို့`ကိုစွန့်လွှတ်လိုက်ရပြီကော.......
         ကမ္ဘာလည်းဆုံး၊အမှောင်လည်းဖုံးခဲ့ရပြီ။အပျော်စိတ်ဖြင့်`ကို့ကိုအရှုးလုပ်မည့်ကျမကိုယ်တိုင်ရှုးခဲ့
ရသည်မှာကြာပါပြီ။ဒီနွေရောက်တိုင်းဝေဒနာတဆင့်တိုးကာရှုးရအုံးမည်။နောင်တတပုံတပင်ရင်မှာပွေ့
ပိုက်ရင်းဒီနွေကန္တာခရီးကြမ်းဆက်ရအုံးမည်ပေါ့။
          ထို့ပြင်ရင်မှလည်း
   `ကိုတစ်ယောက်ကောင်းရာသုဂတိလားပါစေ.....သံသရာတကွေ့ပြန်ဆုံတွေ့ဖြစ်ခဲ့ရင်လည်းကျမလို
လူဆိုးမလေးနဲ့ဝေးဝေးနေနိုင်ပါစေ` ဟုတီးတိုးဆုတောင်းလျက်။
         

(ဧပရယ်လ်ဖူးအမှတ်တရတင်လိုက်တာပါ။)
အားလုံးကိုယ်စိတ်နှလုံးရွှင်ပြုံးကြပါစေ

နင်ဂျာတော်လှန်ရေး

           ခုတလောဟိုနိုင်ငံကတော်လှန်ရေး၊ဒီနိုင်ငံကတော်လှန်ရေးနဲ့အပြိုင်အဆိုင်တော်လှန်လိုက်ကြတာ
နောက်ဆုံးတော့ကိုယ်နေတဲ့ဘာရိန်းကိုပါရောက်လာတယ်ဆိုပါတော့။ဒီလိုနဲ့အမြဲအေးဆေးခဲ့တဲ့ဘာရိန်း
လည်းမငြိမ်မသက်ဖြစ်ရတယ်ပေါ့။ကိုယ်နေတဲ့နိုင်ငံမို့ပြောတာမဟုတ်ဘူး။ဘာရိန်ုးကတခြားအာရပ်နိုင်ငံတွေ
နဲ့စာရင်တကယ်အေးဆေးတာ။နိုင်ငံသားတွေကလည်းစိတ်သဘောထားပျော့ပျောင်းကြရှာတယ်။သိပ်အ
စွန်းမရောက်ကြဘူး။ဝတ်ချင်တာဝတ်လို့ရတယ်။စားချင်တဲ့အသားလည်းစားလို့ရတယ်။သွားချင်တဲ့နေရာကို
လည်းအလွယ်တကူသွားလို့ရတယ်။(တက္ကစီခလေးဈေးကြီးတာကလွဲရင်ပေါ့။)
            နောက်ဘာရိန်းကအာရပ်နိုင်ငံတွေထဲမှာအသေးဆုံးနိုင်ငံလေးမို့ရှိတဲ့သယံဇာတနဲ့လူဦးရေကညီမျှ
တာမို့ချမ်းသာတယ်လို့ပြောလို့ရတယ်။ငွေကြေးကျစ်လစ်ပုံကလည်းအကြီးဆုံးငွေစက္ကူကမှ ၂၀ တန်ရယ်။
အကြွေစေ့ဆို၅ပြားထိအသုံးဝင်တယ်ဆိုပါတော့။အဲဒီတော့နိုင်ငံသားတွေအနေနဲ့ပညာရေးအခမဲ့၊ကျန်းမာ
ရေးအခမဲ့၊အိမ်တွေ၊ကားတွေဝယ်ချင်ရင်လည်းအစိုးရကလွယ်လင့်တကူငွေချေးပေးတယ်။အလုပ်အကိုင်ကျ
တော့လည်းရှာရလွယ်ပုံများဒီနေ့လာလျှောက်ဒီနေ့အလုပ်ခန့်ရတာ။၁၀နဲ့၁၀ပေါင်းတာဂဏန်းပေါင်းစက်ကူ
ရတဲ့သူကိုလည်း cashier ခန့်ရတာပဲ။ဘာဘွဲ့၊ဘာအောင်လက်မှတ်မှမလိုဘူး။အဲလိုဘဝပေးကုသိုလ်ကောင်း
ကြတာပါ။
             အဲလိုအစစအဆင်ပြေနေတဲ့သူတွေကတခြားအာရပ်နိုင်ငံတွေနဲ့ယှဉ်ရင်ဖွံ့ဖြိုးမှုနောက်ကျနေသေး
တယ်ဆိုပြီးတော်လှန်ရေးစတယ်ဆိုပါတော့။ခေါင်းမြီးခြုံတွေလုပ်တဲ့တော်လှန်ရေးမို့ကျမတို့ကတော့နင်ဂျာ
တော်လှန်ရေးလို့အမည်ပေးထားတယ်။သူတို့ကဘာတွေလိုချင်တာလဲဆိုတော့အိမ်အခမဲ့ဆောက်ပေးရေး၊
လုပ်ခလစာတိုးပေးရေး၊ဥပဒေစည်းမျဉ်းတချို့ပြုပြင်ပြောင်းလဲရေးနဲ့အစိုးရပိုင်းရာထူးကြီးကြီးတွေမှာသူတို့
ဘာသာဝင်တွေနေရာရရေးစတာတွေအတွက်တော်လှန်ကြတယ်ပေါ့။(ဒီနိုင်ငံမှာလူအများစုကရှီးယိုက်ဘာ
သာဝင်တွေဖြစ်ပေမယ့်ဘုရင့်မိသားစု၊အစိုးရလူကြီးပိုင်းနဲ့လူနည်းစုကဆွန်နီဘာသာဝင်တွေဖြစ်တယ်။)အဲ
တော့သူတို့ကဒီနိုင်ငံသားဖြစ်ပြီးအစိုးရပိုင်းမှာဝင်ဆန့်ခွင့်မရတော့မကျေနပ်ဘူးပေါ့။ဒါနဲ့ပဲနင်ဂျာတော်လှန်
ရေးကြီးစတယ်ဆိုပါတော့။
             သူတို့တော်လှန်ပုံကအဆန်း။နိုင်ငံရဲ့မြို့လယ်ကောင်အဓိကလမ်းမကြီးပေါ်မှာကိုစခန်းချပြီးဆန္ဒပြ
ကြတာ။ယာယီတဲလေးတွေထိုးလို့။အဲဒီမှာပဲချက်ပြုတ်စားကြတာဆိုတော့အပန်းဖြေခရီးထွက်နေသလိုပဲ။
ယာယီအိမ်သာတောင်ပါသေး။(ပျော်စရာကြီးမို့သူတို့ကိုကြည့်ရင်းကျမပါဝင်ဆန္ဒပြချင်စိတ်ပေါက်တယ်။)သူ
တို့ကနှစ်ဆိုင်းခွဲပြီးလှုပ်ရှားကြတာ။မနက်ပိုင်းအားတဲ့သူတွေကတမနက်လုံးအဲဒီမှာနေ၊ညပိုင်းအားတဲ့သူတွေ
ကတညလုံးအဲဒီမှာနေပေါ့။အချိန်တန်ကိုယ့်တာဝန်ပြီးပြီဆိုအိမ်ပြန်ရေမိုးချိုး၊အလုပ်သွားရမယ့်သူကလည်းအ
လုပ်သွားနဲ့အဆင်ကိုပြေလို့ပါ။တချို့ကတော့တော်လှန်ရေးကိုအကြောင်းပြပြီးအလုပ်ပြေးတာလည်းရှိတာ
ပေါ့။ဒီလိုတွေလုပ်လို့သူတို့တွေအခြေယိုင်သွားလားဆိုတော့အစားမပျက်၊အသောက်မပျက်၊ဈေးဝယ်ထွက်
တာလည်းမပျက်ကြဘူးရှင်။နောက်ပြီးအိမ်တွင်းပုန်းလေးတွေကပါဒါကိုအကြောင်းပြုပြီးအပြင်ထွက်ခွင့်ရလာ
တော့ရှောပင်းစင်တာတွေ၊စူပါမားကတ်တွေမှာပိုတောင်လူစည်လာသေးတယ်။
            ဒီကြားထဲဘုရင်ကသူတို့တွေစိတ်ပြေပါစေတော့ဆိုပြီးတစ်အိမ်ထောင်ကိုBD1000ဆီပေးပြီးချော့
ရှာပါတယ်။ဒါလည်းသူတို့ကမကျေနပ်နိုင်ဘူး။တစ်အိမ်ထောင်1000မဟုတ်ပဲလူတစ်ယောက်1000ရချင်တာ
တဲ့လေ။ကဲ.....ဒီလိုဆိုတော့ဘုရင်ပေးတဲ့1000မယူဘူးလားဆိုတော့မနေပါဘူး။ရတဲ့အခွင့်အရေးအကုန်ယူ
တာပေါ့။1000လည်းယူတယ်။အဲဒီပိုက်ဆံကိုဆန္ဒပြတဲ့နေရာမှာသုံးပြီးဆက်လှုပ်ရှားကြသေးတယ်ဆိုပါတော့။
ဘုရင်ကမီးလောင်ရာဆီလောင်းလိုက်တာကိုး။အဲတော့ဒီနင်ဂျာတွေကသူတို့လုပ်တာမှန်တယ်ထင်သွားကြ
ပါလေရော။အဲဒါနဲ့ပြုပြင်ပြောင်းလဲရေးတင်မကတော့ဘူး။ဘုရင်နဲ့လက်ရှိအစိုးရကိုပါဖြုတ်ချဖို့တောင်းဆိုလာ
တော့တာပဲ။
            အဲလိုနဲ့ဘာလုပ်ပေးပေးမပြီးမစီးနိုင်နဲ့တစ်လလောက်ကြာလာတော့ဘုရင်လည်းစိတ်မရှည်တော့
ဘူး။(ဒါတောင်ဘာရိန်းဘုရင်မို့ပေါ့။ကျမတို့နိုင်ငံမှာသာဆိုလို့ကတော့ဟင်း......မပြောလိုက်ချင်ဘူး။)စစ်တပ်
နဲ့အင်အားသုံးပြီးတော့နှိမ်နှင်းတော့တာပဲ။သူတို့ဆီမှာရှိတဲ့စစ်တပ်နဲ့မလောက်တော့ဆော်ဒီနဲ့ဒူဘိုင်းကစစ်
တပ်တွေကိုပါခေါ်ပြီးပြင်းပြင်းထန်ထန်နှိမ်နှင်းတာ။ဒီလိုနဲ့သူတို့ရဲ့ပျော်ပွဲစားတော်လှန်ရေးကြီးရပ်လိုက်ရ
တယ်ပေါ့။သူတို့ရဲ့ဇွဲနဲ့စိတ်ဓါတ်ကိုအားကျလို့ပါ။သူတို့ကိုကျမမြန်မာပြည်ခေါ်သွားရကောင်းမလားစဉ်းစားရင်း
နဲ့တော်ကြာကိုယ်ပါပြန်မရဖြစ်နေရင်ဒုက္ခလို့တွေးမိတာနဲ့အတွေးကိုဒီတင်ရပ်လိုက်ရပါတယ်။

အားလုံးကိုယ်စိတ်နှလုံးရွှင်ပြုံးကြပါစေ။

အိမ်ပြန်ချိန်

         `အဖေ`............... သမီးကမိဘရင်ခွင်ကိုခြေစုံကန်ခဲ့တာမဟုတ်ပါဘူး။ငတ်တလှည့်၊ပြတ်တလှည့်
မလူးမလွန့်သာဘဝကြီးကိုဘယ်လိုမှဆက်သည်းမခံနိုင်တော့လို့ပါ။အဖေကတော့ပြောလိမ့်မယ်။အတောင်စုံ
လို့အသိုက်ကိုခွာတာပါလို့။ဒါပေမယ့်အဖေ.......သားသမီးတိုင်းကဘယ်အရွယ်ရောက်ရောက်မိဘရင်ခွင်မှာ
ပဲအေးအေးချမ်းချမ်းခိုလှုံချင်ကြတာချည်းပါပဲ။အခုလိုမျိုးသူများအိမ်မှာမျက်နှာငယ်ငယ်နဲ့နေရတဲ့အဖြစ်ကို
ဘယ်လိုချင်ပါ့မလဲ။အိမ်ပြန်လာလို့မှကြိုဆိုမယ့်သူမရှိ။ဗိုက်ဆာလို့မှချက်ပြုတ်ကျွေးမွေးမယ့်သူမရှိ။နေထိုင်
မကောင်းဖြစ်လို့မှပြုစုမယ့်သူမရှိတဲ့ဘဝမှာဘယ်သူပျော်ပိုက်မှာတဲ့လဲ။နောက်ပြီးလုပ်ရတာချင်းအတူတူသူ
တို့အိမ်သားလောက်အခွင့်အရေးမရတဲ့ဘဝ၊တခါတရံဘာမပြစ်မှမလုပ်ပါပဲနဲ့သူများတွေရဲ့ငြူစူအပြစ်တင်ခံ
ရတဲ့ဘဝကြီးကကျေနပ်နိုင်စရာလားအဖေ...........။
          ဒါပေမယ့်..........အဖေ့ရဲ့တကိုယ်ကောင်းဆန်မှုကြောင့်သမီးတို့တွေဟာကိုယ့်အိမ်ယာရဲ့အဝေးကို
ရောက်ခဲ့ရပြီ။လုပ်နိုင်ကိုင်နိုင်ပြီးထူးချွန်ထက်မြတ်တဲ့သူတွေရှိနေပါရဲ့နဲ့သမီးတို့အိမ်ဟာဘာကြောင့်သူများ
တွေထက်အရာရာမှာနောက်ကျကျန်ခဲ့ရတာလဲ။ဘာတွေလိုအပ်နေလို့သူတကာအောက်နိမ့်ကျခဲ့ရတာလဲ။
သမီးတို့ကပဲသိပ်ညံ့လွန်းနေတာလား။ဘယ်သူနဲ့မှမယှဉ်နိုင်လောက်အောင်အသုံးမကျဖြစ်နေခဲ့ကြလို့လား။
တချိန်ကဆိုအိမ်တွင်းပိုင်ဆိုင်မှုတွေအပြင်၊အိမ်သားတွေရဲ့ထူးချွန်ထက်မြတ်မှုကြောင့်သူတကာအားကျငေး
မောခဲ့ရတဲ့အိမ်ပါ။အိမ်နီးချင်းတွေကြားမှာသာမကရပ်ဝေးထိပါသတင်းမွှေးခဲ့တဲ့သမီးတို့ရဲ့ဂုဏ်ရည်တွေဘယ်
ရောက်ကုန်ပြီလဲအဖေ...............။
          ခုတော့ကိုယ့်လောက်မှပိုင်ဆိုင်မှုမရှိခဲ့တဲ့သူများအိမ်တွေကအသီးသီးကျော်တက်လို့အောင်မြင်ကုန်
ကြပြီ။ခုလိုကိုယ့်အိမ်မဟုတ်တဲ့နေရာမှာသူများမျက်နှာကြည့်ပြီးအောက်ကျခံနေရတဲ့ကိုယ့်ဘဝကိုသမီးစိတ်
ကုန်တယ်။ကိုယ့်ရဲ့ကြိုးပမ်းအားထုတ်မှုမှန်သမျှဟာလည်းကိုယ့်အိမ်၊မိသားစုအတွက်မဟုတ်ပဲသူများအိမ်
တိုးတက်ကြီးပွားဖို့ဖြစ်နေတာကိုလည်းတဆိတ်မနာလိုမိတာအမှန်ပါ။သမီးရဲ့စွမ်းအားကိုကိုယ့်မိသားစုအ
တွက်ပဲဖြစ်စေချင်တဲ့သမီးတစ်ယောက်ရဲ့အတ္တကိုအပြစ်တင်ချင်လားအဖေ.............။
         ဘယ်နေရာကြည့်ကြည့်စိမ်းလန်းသာယာတဲ့သမီးတို့မြေလေးကိုလွမ်းလှပါပြီ။နောက်ပြီးသူများအိမ်
တွေဘယ်လောက်ကောင်းကောင်းကိုယ့်အိမ်လောက်ခင်တွယ်စရာမကောင်းဘူး။သမီးကြီးပြင်းရှင်သန်ခဲ့တဲ့
ဒီအိမ်လေးအတွက်သမီးမှာခွန်အားတွေအပြည့်ဖြစ်နေပါပြီ။ဒီအိမ်အတွက်သမီးရဲ့ခွန်အားတွေကိုအသုံးချချင်
လှပါပြီ။ဒီလိုပြန်အလုပ်အကျွေးပြုခွင့်ရဖို့အတွက်ထိုက်သင့်တဲ့နေရာတော့ပေးပါအဖေရယ်။ဒါမှအားလုံးဟာ
သင့်တော်တဲ့နေရာမှာဆိုင်ရာတာဝန်တွေယူရင်းသာယာစိုပြေတဲ့အိမ်လေးဖြစ်အောင်ဖန်တီးနိုင်ကြမှာပေါ့။
အဖေရဲ့တကိုယ်ကောင်းအတ္တကိုခဝါချလို့မိသားစုအတွက်ပြန်ကြည့်ပေးပါတော့။မတတ်သာလို့အဝေးကို
ရောက်နေခဲ့ကြရတဲ့သားသမီးတွေကိုလည်းအတောင်စုံလို့ခြေစုံကန်တယ်လို့သဘောမထားပဲမိဘရင်ခွင်မှာ
ပြန်ခိုလှုံခွင့်ပေးလိုက်ပါနော်။
       သမီးတို့အိမ်ပြန်ချင်လှပါပြီအဖေ............။

အားလုံးကိုယ်စိတ်နှလုံးရွှင်ပြုံးကြပါစေ

ပထမဆုံးသောချစ်သူများနေ့လက်ဆောင်

         ချစ်သူများနေ့အမှတ်တရစာတပုဒ်လောက်ရေးမယ်စဉ်းစားတော့ကျမဘဝရဲ့ပထမဆုံးသောချစ်သူ
များနေ့အမှတ်တရနှင်းဆီပန်းရခဲ့ပုံကိုပြန်သတိရမိတယ်။အမှန်ပြောရရင်အသက်အစိတ်ကျော်တဲ့အထိချစ်
သူများနေ့အမှတ်တရဘာလက်ဆောင်မှမရဖူးဘူး။(ကိုယ့်အစွမ်းအစကိုဒီလိုကြွားရတာလည်းမကောင်းပါ
ဘူးနော်။)ကိုယ့်ကအဖြစ်မရှိသူမို့ဒီလိုနေ့မျိုးဆိုအပြင်ထွက်လေ့မရှိဘူး။အမြဲအိမ်တွင်းပုန်းနေခဲ့တာပေါ့။
         ဒီလိုနဲ့တခုသောချစ်သူများနေ့မှာတော့ အမလိုခင်ရတဲ့သူငယ်ချင်းတစ်ယောက်နိုင်ငံခြားသွားတော့
မှာမို့ပစ္စည်းတွေဝယ်ချင်တယ်ဆိုတာနဲ့အပြင်မသွားချင်ပေမယ့်လည်းအဖော်လိုက်ပေးဖြစ်တယ်ဆိုပါတော့။
ရှော့ပင်ထွက်ရင်းမောလာကြတာနဲ့ပဲကော်ဖီဆိုင်ထိုင်ဖြစ်ကြတယ်။အဲဒီနှစ်မှာမှထူးထူးခြားခြား၊ဆိုင်တွေက
လာသမျှစုံတွဲတိုင်းကိုနှင်းဆီပန်းလက်ဆောင်ပေးတယ်တဲ့လေ။(အရင်နှစ်တွေကတော့အပြင်မထွက်တာ
မို့အခုလိုပေးမပေးမသိပေမယ့်ကျမစိတ်ထင်ဒီဝန်ဆောင်မှုကိုအဲဒီနှစ်မှစတယ်ထင်တာပဲ။)
        ဒီတော့ကော်ဖီဆိုင်ကိုလာသမျှယောကျာ်းလေး၊မိန်းကလေးစုံတွဲတိုင်းပန်းလက်ဆောင်ကိုယ်စီနဲ့ပျော်
လို့မြူးလို့ပေါ့။လူတိုင်းနှင်းဆီပန်းကိုယ်စီနဲ့ဆိုတော့ကျမလည်းလိုချင်လာတယ်။ပန်းရသွားတဲ့သူတွေကိုအား ကျအကြည့်နဲ့ကြည့်ရုံအားမရပဲအဖော်အမ ကိုပါတီးတိုးပြောမိတယ်။ခုလိုခွဲခြားဆက်ဆံတာတော့မကောင်း
ဘူးလေ။ချစ်သူစုံတွဲမပါလာတဲ့မိန်းကလေးတွေကိုလည်းပေးသင့်တာပေါ့။အဲလိုကျမ မကျေမနပ်ရေရွတ်နေ
တာကိုဆိုင်ကကောင်လေးတစ်ယောက်ကသတိထားမိပုံရတယ်။မျက်စိရှေ့မှာတင်စုံတွဲလေး၊ငါးတွဲပန်းကိုယ်
စီရသွားတာကိုလိုက်ကြည့်နေတဲ့ကျမကိုသူအားနာသွားပုံရတယ်။(အမှန်ကသနားသွားတာထင်ပါတယ်။)
        ဒါနဲ့သူကကျမတို့ကိုပန်းသွားပေးဖို့သူ့သူငယ်ချင်းကောင်မလေးကိုပြောတယ်။ကောင်မလေးကမသွား
ဘူးလို့ငြင်းတယ်ထင်ပါရဲ့။သူကိုယ်တိုင်ပန်းနှစ်ပွင့်ကိုင်လို့ကျမတို့ဝိုင်းကိုရောက်လာပါလေရော။ပထမတော့
ကျမလည်းငြင်းမယ်စိတ်ကူးပေမယ့်နှင်းဆီပန်းအနီလေးတွေကလှလွန်းတာမို့ရှက်ရှက်နဲ့ပဲကျေးဇူးစကားပြော
ပြီးလက်ခံလိုက်တာပေါ့။အရမ်းလည်းပျော်သွားတယ်။ဘဝရဲ့ပထမဆုံးချစ်သူများနေ့လက်ဆောင်ပါ။လက်
ဆောင်ပေးတဲ့သူကိုမမှတ်မိတော့ပေမယ့်ချစ်သူများနေ့ရောက်တိုင်းကြည်နူးစိတ်နဲ့ဒီအဖြစ်အပျက်လေးကို
အမှတ်ရနေဆဲပါ။လက်ဆောင်ပေးခဲ့တဲ့ဆိုင်ဝန်ထမ်းကောင်လေးကိုလည်းကျေးဇူးတင်လျက်............

စာကြွင်း ။ ဒီစာလေးကိုရေးထားတာတော့ကြာပါပြီ။ဒါပေမယ့်လည်းအကြောင်းကြောင်းကြောင့်တလ
နောက်ကျပြီးမှတင်ဖြစ်ပါတယ်။
အားလုံးကိုယ်စိတ်နှလုံးရွှင်ပြုံးကြပါစေ

ဝင်္ကာပါအလွမ်း

အလွမ်းကို...........
ပန်းလိုသီမှဖြင့်ကွယ်
ဒီပန်းနှယ်
ဘယ်မှာဆုံးပါမယ်။
အလွမ်းသာ............
ရေအလျင်ဖြစ်ပါမူ
ရေစီးရယ်
ဘယ်ဝယ်ပြတ်ပါမယ်။
အလွမ်းနှင့်...........
စာတွေစီမှဖြင့်
စာကြောင်းရယ်
ဘယ်နှယ်ဆုံးပါမယ်။
ဒီအလွမ်းနယ်...........
ဝင်္ကာပါဝယ်
လွတ်လမ်းရယ်
ရှာမတွေ့တယ်
ဒီရင်မှာပန်းလှပေါ့လေး။


အားလုံးကိုယ်စိတ်နှလုံးရွှင်ပြုံးကြပါစေ