ပေးကမ်းခြင်းရဲ့ချိုမြိန်မှု

        ကျွန်တော်ကတကိုယ်ကောင်းသမားလို့ပြောလို့ရတယ်။ဘဝမှာကျွန်တော်ရဲ့ဆုံးဖြတ်ချက်မှန်သမျှဟာ
ကျွန်တော်ရဲ့လိုအပ်ချက်၊ဆန္ဒတွေကိုအဓိကထားပြီးဆုံးဖြတ်ခဲ့တာချည်းပဲ။ခုတော့ဖြစ်ရပ်ဆန်းလေးတခု
ကြောင့်ကျွန်တော်ရဲ့ဘဝခံယူချက်တွေပြောင်းလဲသွားပြီထင်တယ်။ပွင့်ပွင့်လင်းလင်းဝန်ခံရရင်ဒီအဖြစ်အ
ပျက်လေးကကျွန်တော်အတွက်တော့အတော်အဓိပ္ပါယ်ရှိတဲ့ဖြစ်ရပ်လေးပါ။
         တနေ့နေ့လည်စာစားချိန်မို့တခုခုစားဖို့ရုံးကထွက်အလာမှာလမ်းဘေးဖျော်ဖြေရေးသမားတယောက်
ကိုတွေ့ရတယ်။ဒါမျိုးကသိပ်တော့မထူးဆန်းပါဘူး။နေ့လည်စာစားချိန်ဆိုရုံးအဆောက်အဦးတွေအနားမှာဒီ
လိုပိုက်ဆံတောင်းတဲ့ဖျော်ဖြေရေးသမားတွေရှိနေတတ်တာပဲ။ဒါနဲ့ကျွန်တော်လည်းအကြွေစေ့နည်းနည်းကိုင်
ပြီးသူ့ဆီလျှောက်အသွားသူကငါ့ပိုက်ဆံနဲ့မူးယစ်ဆေးဝါးဒါမှမဟုတ်အရက်သောက်သုံးဖြုန်းပစ်မယ့်ကောင်ပါ
လားဆိုပြီးတွေးလိုက်မိတယ်။သူ့ပုံကခပ်ငယ်ငယ်ဂျစ်ကန်ကန်ပေစုတ်စုတ်နဲ့လေ။ဒါနဲ့ကျွန်တော့်ခြေလှမ်းကို
ရပ်လိုက်တယ်။ဒီလိုလူမျိုးအတွက်ဘာလို့ကျွန်တော်ပိုက်ဆံကိုအကုန်ခံရမှာလဲ။ဒီငွေနဲ့ကိုကာကိုလာဒါမှမ
ဟုတ်ချောကလက်ဝယ်စားလိုက်တော့မယ်လို့ဆုံးဖြတ်လိုက်တယ်။
        ဒါပေမယ့်လည်းသူဟာလမ်းဘေးဖျော်ဖြေရေးသမားဖြစ်တာနဲ့ပဲကျွန်တော်အနေနဲ့သူကိုဝေဖန်ပိုင်ခွင့်
မရှိဘူးဆိုတဲ့အတွေးဝင်လာတယ်။ဒါနဲ့ပဲသူ့ရှေ့မှာရပ်လိုက်ပြီးအကြွေစေ့တွေကိုသူ့ဦးထုပ်ထဲထည့်လိုက်တော့
သူကကျွန်တော်ကိုပြုံးပြတယ်။ကျွန်တော်ခဏတော့ရပ်စောင့်မိတယ်။အတ္တသမားပီပီသူ့ဆီကတစုံတခုကို
မျှော်လင့်မိတာကိုး။သူ့ဆီကသာမာန်ထက်ပိုပြီးပျော်ရွှင်ကျေနပ်သွားတဲ့အမူအရာမျိုးကိုမြင်ချင်ခဲ့ပေမယ့်သာ
မာန်ထက်မပိုတဲ့အပြုံးကိုပဲကျွန်တော်ရလိုက်ပါတယ်။ဒီတော့ကျွန်တော်လည်းကိုယ့်ဘာသာပြုံးမိပြီးသူ့ရှေ့က
ထွက်လာခဲ့တယ်။နောက်ပြီးခုလိုအဓိပ္ပါယ်မရှိတဲ့အလုပ်မျိုးတခါမှမလုပ်ခဲ့ဖူးပဲနဲ့ခုမှဘာလို့များကိုယ့်ပိုက်ဆံကို
အလဟဿဖြုန်းပစ်ချင်ရတာလဲဆိုပြီးကိုယ့်ဘာသာအပစ်တင်လိုက်မိတယ်။
        အဲဒီနေ့အလုပ်ပြီးလို့ဘူတာရုံကိုလမ်းလျှောက်အသွားမှာနေ့လည်ကဖျော်ဖြေရေးသမားလေးသူ့ပစ္စည်း
တွေကိုသိမ်းနေတာကိုတွေ့ရတယ်။သူကဦးထုပ်ထဲကပိုက်ဆံတွေကိုပလတ်စတစ်အိတ်လေးတစ်လုံးထဲ
ထည့်လိုက်ပြီးလမ်းထောင့်ကကော်ဖီဆိုင်နားမှာရှိတဲ့တောမီးရန်ပုံငွေပုံးထဲအကုန်သွားထည့်လိုက်တယ်။သူက
လူမှုကူညီရေးရန်ပုံငွေရှာဖို့အတွက်ခုလိုဖျော်ဖြေနေတာပဲ။ကျွန်တော်ဘယ်လောက်တကိုယ်ကောင်းဆန်ခဲ့
လဲဆိုတာအဲဒီတော့မှသဘောပေါက်တော့တယ်။တစုံတယောက်ကကျွန်တော်ပိုက်ဆံနဲ့တဆင့်ပြန်လှုပေး
တာပဲ။ဒီလောက်လွယ်ကူတဲ့အလုပ်ကိုကျွန်တော်လည်းဘာလို့မလုပ်နိုင်ရမှာလဲဆိုတာနားလည်သွားတယ်။
အဲဒီနေ့ကစလို့ကျွန်တော်ဆီမှာရှိသမျှအကြွေအားလုံးကိုအဲဒီရန်ပုံငွေပုံးထဲအမြဲလှုတယ်။အဲဒီလိုလှုပြီးတိုင်း
လည်းတနေကုန်ကြည်နူးမှုနဲ့လူကငြိမ်းချမ်းလို့ပေါ့။ပေးကမ်းမှုကြောင့်ရတဲ့ပျော်ရွှင်မှုကိုခုမှတကယ်ခံစားခွင့်
ရသွားတာပါ။

အားလုံးကိုယ်စိတ်နှလုံးရွှင်ပြုံးကြပါစေ

မှတ်သားဖွယ်စကားစုလေးများ(1)

• ဘဝမှာဝမ်းနည်းစရာကောင်းတဲ့အရာကကိုယ့်အတွက်အရေးပါတဲ့လူတစ်ယောက်ကိုတွေ့ဆုံခဲ့ရပြီးမှ ကိုယ့်ရဲ့အလေးမထားမှုကြောင့်သူ့ကိုလက်လွှတ်ဆုံးရှုံးလိုက်ရတာမျိုးပေါ့။
• ကျွန်တော်တို့ဟာကိုယ်ဘာပိုင်ဆိုင်ထားခဲ့တယ်ဆိုတာကိုအဲဒီအရာပျောက်ဆုံးသွားသည့်တိုင်မသိခဲ့ ကြသလိုကိုယ်ဘာတွေလိုအပ်နေတယ်ဆိုတာလည်းအဲဒီအရာအနားရောက်လာတဲ့အထိမသိခဲ့ကြပြန်ဘူး။
• လူတစ်ယောက်ကိုနာကျင်အောင်လုပ်ဖို့မိနစ်ပိုင်းပဲကြာတယ်။လူတစ်ယောက်ကိုသဘောကျသွားဖို့ကတော့တစ်နာရီလိုတယ်။ချစ်မိသွားဖို့ဆိုရင်တော့တစ်ရက်နဲ့တင်လုံလောက်ပါတယ်။ဒါပေမယ့် လူတစ်ယောက်ကိုမေ့ပစ်ဖို့ကတော့တစ်သက်စာအချိန်ပေးရတတ်တယ်။
• လက်လွတ်စပယ်စကားတစ်ခွန်းကြောင့်ရန်စပွားချင်ပွားသွားနိုင်တယ်။ရက်စက်တဲ့စကားကြောင့်ဘဝ တခုစုတ်ပြတ်ကောင်းစုတ်ပြတ်သွားနိုင်တယ်။အချိန်ကိုက်ပြောလာတဲ့စကားကြောင့်စိတ်ရှုတ်ထွေး ကောင်းရှုတ်ထွေးသွားနိုင်တယ်။ဒါပေမယ့်ချစ်ခြင်းမေတ္တာစကားကတော့ချမ်းမြေ့ပျော်ရွှင်မှုမှတပါး တခြားဘာကိုမှ မပေးပါဘူး။
• ကျမတို့ဟာတခါတရံမှာအတွေ့လေးတစ်ချက်၊အပြုံးလေးတစ်စက်၊အကြင်နာစကားလေးတစ်ခွန်း စတဲ့အသေးအဖွဲလေးတွေကိုအထင်သေးတတ်ကြတယ်။အဲဒီမဖြစ်စလောက်အရာလေးတွေကြောင့် ပဲဘဝတခုလုံးကိုတိုးတက်ပြောင်းလဲသွားစေနိုင်တာကိုတော့သတိမေ့နေကြတယ်။
• အိမ်မက်တွေရဲ့ဦးတည်ရာကိုယုံယုံကြည်ကြည်နဲ့လျှောက်ပါ။စိတ်ကူးထားတဲ့ဘဝကိုအကောင်အ ထည်ဖော်ပါ။ဘဝရှင်သန်မှုရိုးရှင်းတာနဲ့အမျှစကြာဝဠာကြီးကပါကိုယ့်အလိုတိုင်းရိုးရှင်းလာပါလိမ့်မယ်။
• ပျော်ပျော်နေတတ်တဲ့သူတွေဟာအကောင်းဆုံးအရာတွေပဲပိုင်ဆိုင်ထားခဲ့လို့မဟုတ်ပါဘူး။သူတို့က သူတို့ဆီရောက်လာတဲ့အရာတွေကိုအကောင်းဆုံးတွေဖြစ်အောင်ဖန်တီးနိုင်ခဲ့ကြလို့ပါ။
• ပိုက်ဆံကသင့်ကိုပေးနိုင်တဲ့အရာဆိုလို့သူနဲ့ပက်သက်ပြီးပူပင်ရတဲ့သောကကင်းဝင်းစေရုံပဲရှိတယ်။

အားလုံးကိုယ်စိတ်နှလုံးရွှင်ပြုံးကြပါစေ

အတွေးချော်တဲ့ဖိုးထော်(၁)

        ကျမရဲ့ဦးလေးဝမ်းကွဲတစ်ယောက်ပေါ့။နံမည်ကဖိုးထော်တဲ့။ဘာကြောင့်ဒီနံမည်ပေးတယ်ဆိုတာတော့
မသိပါဘူး။သူကနည်းနည်းနုံတယ်။(အမှန်ကတော်တော်လေးနုံတာပါ။ကိုယ့်ဦးလေးတော်နေတာမို့အားနာ
လို့။)သူ့ကိုဘာခိုင်းခိုင်းအလွဲလွဲအချော်ချော်ချည်းပဲ။အတော်လေးကြီးတဲ့အထိဘာမှဟုတ်တိပတ်တိခိုင်းလို့
မရဘူး။သူကကံတော့ကောင်းတယ်။မိဘတွေကတောသူတောင်သားတွေပေမယ့်သားသမီးရတနာဆိုလို့သူ
တယောက်သာထွန်းကားတာမို့ချစ်ကြ၊အလိုလိုက်ကြတော့တောအလုပ်မတတ်တဲ့တောသားပေါ့။
        သူမို့မလုပ်လိုက်နဲ့၊လုပ်တာနဲ့တလွဲပဲ။အကြမ်းလည်းသုံးမရ၊အနုလည်းသုံးမရတဲ့ဖိုးထော်ပါ။တနေ့ရွာ
ထုံးစံအတိုင်းဟင်းစားအတွက်ဝက်ပေါ်တယ်ဆိုပါတော့။ရွာတွေမှာကမြို့မှာလိုဈေးရှိတာမဟုတ်ဘူး။ကိုယ်
စားချင်တာကိုယ့်ဘာသာစိုက်၊ကိုယ့်ဘာသာမွေးမြူရေးလုပ်ကြတာမျိုး။ခုလည်းဝက်ပေါ်တယ်ဆိုတော့ဖိုး
ထော်အမေကဝက်ခြေထောက်နှစ်ချောင်းကိုဝယ်ထားလိုက်တယ်။ဒါပေမယ့်အပြင်သွားစရာရှိနေတာနဲ့ဒီခြေ
နှစ်ချောင်းကိုဘာမှမလုပ်နိုင်ပဲမီးဖိုထဲထားခဲ့ပြီးသားဖြစ်သူကိုရှာပြီးမီးဖိုထဲမှာခြေထောက်နှစ်ချောင်းရေနွေးဖျော
ထားလိုက်စမ်းဆိုပြီးထွက်သွားပါလေရော။
         ဖိုးထော်အမေလည်းအပြင်ကပြန်လာရောသားဖြစ်သူကမီးဖိုထဲမှာခြေထောက်နှစ်ဖက်ဆင်းလို့ငိုကြီး
ချက်မဖြစ်နေတာကိုတွေ့လိုက်ရတယ်။ဘေးမှာတော့အငွေ့တထောင်းထောင်းထနေတဲ့ရေနွေးတဇလုံနဲ့ရေ
အေးတဇလုံလည်းပါသေးရဲ့။သူ့အမေလည်းတအံ့တသြနဲ့ဘာတွေဖြစ်နေတာလဲလို့မေးတော့သူကဘာပြော
တယ်မှတ်လဲ။အမေတို့ကကိုယ့်သားသမီးကိုမသနားဘူးတဲ့။မညှာမတာခိုင်းရက်တယ်ဆိုပြီးငိုရင်းပြောပါလေ
ရော။အဲဒီတော့သူ့အမေလည်းအလန့်တကြားနဲ့ဘာများခိုင်းမိလို့လဲဆိုတော့ခြေထောက်နှစ်ချောင်းရေနွေး
ဖျောခိုင်းတာကိုအပြစ်တင်နေတာတဲ့လေ။
        ဒါနဲ့အမေလုပ်သူကဒါလေးခိုင်းမိတာငိုစရာလားဆိုတော့မှပိုဆိုးတော့တာပဲ။ဒီရေနွေးပူပူလောင်လောင်
နဲ့ခြေထောက်ကိုဘယ်လိုလုပ်ရေနွေးဖျောရမလဲ။ရေနွေးဖျောဖို့နေနေသာသာရေနွေးတစ်စက်လေးချကြည့်
တာတောင်ပူလွန်းလို့ရေအေးနဲ့ပြန်လောင်းပေးနေရတာတဲ့။အမေမို့ရက်ရက်စက်စက်ခိုင်းရက်တယ်တဲ့လေ။ဒီ
လောက်ပူတာအမေ့ဘာသာကိုယ့်ခြေထောက်ကိုယ်ဖျောဆိုပြီးငိုရင်းထွက်သွားပါလေရော။ဒီတော့မှဝက်ခြေ
ထောက်ဆိုတာထည့်မပြောမိတဲ့သူ့အမေခဗျာသူ့နဖူးသူရိုက်လို့ဘာမှဆက်မပြောနိုင်အောင်ဖြစ်ရတော့တာ။
အဲဒီလိုကြံကြံဖန်ဖန်အတွေးချော်တဲ့ဖိုးထော်ပါ။

         

အားလုံးကိုယ်စိတ်နှလုံးရွှင်ပြုံးကြပါစေ

ကူညီပါရစေ

      တစ်စီးဝင်တစ်စီးထွက်ဖြင့်သက်ဝင်လှုပ်ရှားနေသည့်ဘူတာရုံတွင်တစုံတယောက်သောသူသည်မလှုပ်
မယှက်ထိုင်နေသည်မှာအတော်ကြာနေပြီဖြစ်သည်။ထိုသူ့တွင်လှုပ်ရှားသည့်အရာဆိုလို့ဘယ်ညာယမ်းခါနေ
သည့်ဦးခေါင်းသာဖြစ်၏။ရထားဝန်ထမ်းတစ်ဦးကမလှုပ်မယှက်ထိုင်နေသော်လည်းဂနာမငြိမ်ဖြစ်နေသည့်ထို
သူကိုသတိထားမိသွားသည်။သို့နှင့်တာဝန်သိဝန်ထမ်းပီပီတစုံတရာကူညီနိုင်ရန်ထိုသူထံလျှောက်သွားလိုက်
သည်။
         `ဒီမှာနောင်ကြီး........ကျွန်တော်ဘာကူညီပေးရလဲ။`
         `ကျေးဇူးပါပဲဗျာ။ကျွန်တော်မေးချင်တာလေးရှိလို့။တောင်ဘက်သွားမယ့်ရထားဘယ်တော့လောက်
လာမလဲ။`
        `သြော်.......ဟုတ်ကဲ့။နောက်၁၅မိနစ်မှာတောင်ဘက်သွားမယ့်ရထားလာပါလိမ့်မယ်ခင်ဗျာ။`
        `ဒါဆိုမြောက်ဘက်သွားမယ့်ရထားကရော။`
        `ခဏလေး။အဲဒါကတော့နောက်ငါးမိနစ်အတွင်းဝင်လာပါလိမ့်မယ်။ဒါနဲ့နောင်ကြီးကဘယ်ကိုသွား
ချင်လို့လဲခင်ဗျ။`
        `ဘယ်မှမသွားချင်ပါဘူး။ကျွန်တော်ကဒီသံလမ်းဟိုဘက်ကိုကူးချင်တာပါ။`

အားလုံးကိုယ်စိတ်နှလုံးရွှင်ပြုံးကြပါစေ

အလွမ်းသစ်ပင်

အလွမ်းသာသစ်တစ်ပင်ဆို.........
ငါ့သစ်ပင်နှစ်ချို့ပါပေ့ါလား။
ဒီသစ်ပင်ဒီလောက်ရင့်သန်အောင်...........
ဘယ်လိုမြေသြဇာတွေများသုံးခဲ့ပါလိမ့်။
ဥယျာဉ်မှုးရေ.........
ဒီသစ်ပင်ကိုကမ္ဘာတည်သရွေ့များ
ရှင်သန်နေစေချင်တာလား။

အားလုံးကိုယ်စိတ်နှလုံးရွှင်ပြုံးကြပါစေ

လွဲချက်ကယ်တခြား

      သူ့ကိုတွေ့တိုင်းကျွန်မရင်ခုန်ရသည်။အမြဲပြုံးနေတတ်သည့်သူ့မျက်နှာကြောင့်မို့လည်းရင်းနှီးခင်မင်
ကာတွယ်တာစိတ်ဖြစ်မိခြင်းဖြစ်သည်။သူကကျွန်မတို့မားကတ်ကိုပုံမှန်ဈေးဝယ်လာလေ့ရှိသည့်ဖောက်
သည်တစ်ဦးဖြစ်၏။သူလာသည့်အခါတိုင်းကျွန်မရှိရာသို့ရောက်လာတတ်ပြီးတရင်းတနှီးနှုတ်ဆက်ပြော
ဆိုလေ့ရှိသည်။
       သူကရှပ်လက်ရှည်နှင့်စတိုင်ပန်ကိုအမြဲလိုလိုတွဲဖက်ဝတ်ဆင်လေ့ရှိတာမို့မြင့်မားရှည်လျားသည့်
အရပ်နှင့်လိုက်ဖက်ပြီးအတော်စွဲဆောင်မှုရှိလှသည်။စကားပြောသည့်အခါတိုင်းတပြုံးပြုံးဖြင့်တစ်ဖက်
လူ၏မျက်လုံးကိုစိုက်ကြည့်ကာဖော်ရွေစွာပြောတတ်ပြန်တာမို့ကျွန်မတို့တတွေကသူ့ကိုမှတ်မှတ်ရရ
သတိထားမိနေခြင်းပင်ဖြစ်သည်။
      ကျွန်မတို့ဌာနမှာယောက်ျားလေးများသော်လည်းမိန်းခလေးကျွန်မတစ်ယောက်သာရှိတာမို့သူကျွန်မ
ဆီပုံမှန်ရောက်လာတတ်တာကိုသူငယ်ချင်းများကပင်သတိထားမိလာကာနောက်ပြောင်လာကြတော့သည်။
အစပိုင်းတွင်မည်သို့မျှမခံစားရပေမယ့်သူ၏နှစ်လိုဖွယ်အမူအရာနှင့်အပြောအဆိုများကြောင့်သူနှင့်တွေ့တိုင်း
ရင်ခုန်တတ်လာ၏။သူရောက်လာပြီဆိုမှဖြင့်ကျွန်မကျွမ်းကျင်ပိုင်နိုင်လှသည့်အလုပ်ပင်ဖြစ်သော်လည်းအ
ယောင်ယောင်အမှားမှားဖြစ်တတ်လာသည်။
      ဒီနေ့လည်းရောက်လာပြန်ပြီ။မားကတ်အတွင်းဈေးဝယ်နေသည်ကိုရုတ်တရက်တွေ့လိုက်ရခြင်းဖြစ်
သည်။ကျွန်မခြေဖျား၊လက်ဖျားများအေးစက်ကာရင်တွေခုန်လာ၏။ဈေးဝယ်အပြီးကျွန်မဆီအလာမှာသူ့မျက်
နှာကတစုံတခုကိုအလိုမကျသကဲ့သို့သုန်မှုန်သွားသည်ဟုထင်သည်။ကျွန်မကလုပ်ဖော်ကိုင်ဖက်သူငယ်ချင်း
ကောင်လေးနှင့်ရယ်မောစကားပြောနေစဉ်သူရောက်လာခြင်းဖြစ်သည်။သူအထင်လွဲသွားပြီထင့်။သို့ပေမယ့်
သူကမျက်နှာထားကိုချက်ခြင်းပြင်ကာကျွန်မကိုနှုတ်ဆက်စကားဆိုရင်းသူငယ်ချင်းကိုခပ်တွေတွေစိုက်ကြည့်
ကာပြောသည်။
        `မတွေ့တာကြာပြီနော်။နေကောင်းရဲ့လား။ငါကမင်းကိုသတိရနေတာ။`
      ရုတ်တရက်ကျွန်မရောသူငယ်ချင်းပါအံ့သြသင့်သွားသည်။သူနောက်တာဖြစ်မည်ဟုတွေးကာသူ့ကိုပြန်
နောက်လိုက်မိ၏။
        `သူ့ကိုပဲသတိရတာလား။ကျမကိုရောသတိမရဘူးလား။`
      သူ့ပြန်ပြောလိုက်သည့်စကားကြောင့်ရှက်ရွံ့မှုနှင့်အတူရင်တခုလုံးဗြောင်းဆန်ကာနာကျင်ကြေကွဲရ
တော့သည်။
        `ဘယ်လိုပြောလိုက်တာလဲ။တို့ကဘဝတူချင်းကိုသတိရစရာလား။`ဟူ၏။

အားလုံးကိုယ်စိတ်နှလုံးရွှင်ပြုံးကြပါစေ

လူသားတန်ဖိုး

တော်သေးတယ်...........
ငါဟာလှေတစ်စင်းမဟုတ်ခဲ့လို့။
ငါသာလှေတစ်စင်းဆို........
ဒီလှိုင်း၊ဒီလေ၊ဒီမုန်တိုင်းမျိုးနဲ့
မာယာပင်လယ်ထဲ
ကျိုးပဲ့နစ်မြှုပ်သွားတာကြာပေါ့။
တော်သေးတယ်..........
ငါဟာသမင်တစ်ကောင်မဟုတ်ခဲ့လို့။
ငါသာသမင်တစ်ကောင်ဆို........
ရိုင်းစိုင်းကောက်ကျစ်တဲ့
သားရဲတောထဲ
ပျောက်ဆုံးပျက်ဆီးခဲ့တာကြာပေါ့။
တော်သေးတယ်..........
ငါဟာအသိဥာဏ်နဲ့လူတစ်ယောက်ဖြစ်နေလို့။
ဆင်ခြင်ဥာဏ်နဲ့လူသားမို့........
ကြမ်းတမ်းလှတဲ့ဘဝပင်လယ်ပြင်ကို
အံတုဖက်ပြိုင်လို့.......
အညှာတာမဲ့သားရဲတောထဲ
အလိမ္မာသုံးရှောင်ရှားလို့.........
လိုရာပန်းတိုင်အရောက်သွားမယ်ပေါ့။

အားလုံးကိုယ်စိတ်နှလုံးရွှင်ပြုံးကြပါစေ

အချိန်တန်တော့လည်းဟင်းအိုးထဲရောက်ရတာပဲ

         `မအေးရေငါ့ညီမတွေလာတယ်ဟေ့`
        အလိုလေး။ဧည့်သည်လာသည်ဆိုပါလား။ဧည့်သည်လာသည့်အသံကြားတိုင်းကျုပ်ရင်တွေတုန်ရလွန်း
လို့။သူကတော်တော်စေတနာကောင်းရှာပါသည်။ညီအကိုမောင်နှမတွေအပေါ်တွင်လည်းတော်တော်သံ
ယောဇဉ်ကြီးသည်။သူ့ညီမတတွေလာပြီဆိုမှဖြင့်ကိုယ့်မှာရှိမှန်းမသိမရှိမှန်းမသိထမင်းကျွေးဖို့စီစဉ်တော့၏။
ထိုအခါသူ့အိမ်သူမှာမရှိရှိတာချက်ပြုတ်ကျွေးမွေးရတော့သည်။
        ယခုလည်းကြည့်လေ။ဧည့်သည်လာပြန်ပြီ။ဒါဆိုကျုပ်အတွက်မျှော်လင့်ချက်မရှိတော့ပေ။သူ့ဆီဧည့်
သည်တခါလာတိုင်းကျုပ်တို့ဆီကတကောင်ပြီးတကောင်ပါသွားတတ်တာကလား။အဲလိုနဲ့ကျုပ်အပေါင်းအ
ဖော်တွေလည်းလျော့လျော့သွားခဲ့သည်။နောက်ဆုံးတကောင်မှမကျန်တော့သူကကျုပ်ရင်ကဖြစ်တဲ့ကလေး
တွေကိုပင်ချမ်းသာမပေးတော့။တခါမွေးလိုက်သူတို့ယူသွားလိုက်နဲ့အကောင်ဖြစ်ခွင့်ပင်မရ။ခုတခါဆိုရင်
တော့ကျုပ်အလှည့်ရောက်လေပြီ။
        `ဒင်းကတော့လုပ်ပြီ.......သူစေတနာအထားကောင်းတာနဲ့ငါ့မှာဧည့်သည်တခါလာတခါငရဲကြီးနေရ
တယ်...ဒီတခါချက်စရာဆိုလို့ဒီကြက်မကြီးပဲရှိတော့တယ်....ဒီကြက်မကြီးရှိနေလို့ဥလေးတွေစားနေရတာ
ကို....ခုတော့ရှိတဲ့ဟာကိုချက်ပေးရမှာပဲ....စိတ်မကောင်းပါဘူးဟယ်....`
        ပြောပြောဆိုဆိုသူ့အိမ်သူကျုပ်အနားရောက်လာလေသည်။ဒီတစ်ခါတော့ဘယ်လိုမှလွတ်နိုင်တော့
မည်မဟုတ်။ဘာတတ်နိုင်တော့မည်နည်း။လည်ဆင်းပေးရုံပေ့ါ။

အားလုံးကိုယ်စိတ်နှလုံးရွှင်ပြုံးကြပါစေ။

ကျမရဲ့အလွဲများ(၂ )

           ပြီးခဲ့တဲ့မူစလင်ဥပုပ်လတုန်းကအဖြစ်အပျက်လေးပါ။အာရပ်နိုင်ငံတွေရဲ့ဥပဒေအရသူတို့ဥပုပ်လမှာ
ဘယ်လူမျိုး၊ဘယ်ဘာသာဝင်မဆိုအများသူငါရှေ့မှာအစားစားတာမျိုးမလုပ်ရပါဘူး။စားနေတာတွေ့ရင်သူ
တို့ကပြင်းပြင်းထန်ထန်အပြစ်ပေးလေ့ရှိတယ်။အဲဒါကိုသိထားတော့ကျမလည်းသူများဘာသာကိုလေးစားတဲ့
အနေနဲ့အပြင်မှာတတ်နိုင်သမျှဘာမှမစားဖြစ်အောင်နေပါတယ်။အလုပ်မဝင်ခင်အိမ်မှာတည်းကပြီးအောင်
စားသွားတာပေါ့။
           တခုသောဥပုပ်ရက်မှာတော့ကျမအလုပ်ချိန်ကနေ့ခင်းမို့နေ့လည်စာကိုထမင်းချိုင့်မယူတော့ပဲအိမ်
မှာပဲစားသွားလိုက်တယ်။အဲဒီနေ့ကနည်းနည်းလည်းနောက်ကျနေတာနဲ့ကတိုက်ကရိုက်စားပြီးကားမှီအောင်
အမြန်ပြေးရတာမို့သွားပြန်မတိုက်ခဲ့လိုက်ရဘူးဆိုပါတော့။ဒါနဲ့အလုပ်ထဲရောက်တော့ပါးစပ်နံနေမှာစိုးတာ
နဲ့ပီကေဝါးပြီးအလုပ်ဝင်လိုက်တာပေါ့။
         အလုပ်ဝင်စမှာပဲဈေးဝယ်သူတွေကများနေတာမို့ပီကေကိုမေ့ပြီးဆက်ဝါးနေမိတယ်။(ကံကောင်းစွာနဲ့
အုပ်ချုပ်ရေးမှုးတွေကလည်းပီကေစားနေတာကိုမမြင်ကြဘူး)အလုပ်ဝင်ပြီးနာရီဝက်လောက်အကြာမှာဇာတ်
လမ်းစတယ်ဆိုပါတော့။ကျမကောင်တာကိုဘာရိန်းလင်မယားနှစ်ယောက်ရောက်လာတယ်။သူတို့ဝယ်တာ
ကလည်းထရော်လီလှည်းအပြည့်မို့ကျမလည်းမြန်မြန်တွက်ပေးနေတုန်းအမျိုးသမီးကြီးကကျမကိုပြောတယ်။
ပီကေမစားနဲ့၊မကောင်းဘူးတဲ့လေ။
         ကျမလည်းရုတ်တရက်ဆိုတော့ကြောင်သွားတယ်။လူကြီးမို့ပီကေစားတာမကြိုက်တာပဲဆိုပြီးတောင်း
ပန်လိုက်ပါတယ်။နောက်ပြီးခုပဲနေ့လည်စာစားခဲ့တာမို့ပါးစပ်နံမှာစိုးတဲ့အတွက်စားနေတာဆိုတဲ့အကြောင်းပါ
ရှင်းပြလိုက်ပါတယ်။အဲဒီအမျိုးသမီးကြီးကလည်းသဘောကောင်းရှာပါတယ်။အခုလိုမစားဖို့ပြောရတဲ့အတွက်
စိတ်မကောင်းဘူးဆိုတာပြောပြီးထွက်သွားလေရဲ့။
         သူတို့ထွက်သွားပြီးအတော်ကြာတဲ့အထိအကြောင်းရင်းမှန်ကိုမသိသေးဘူး။နောက်တော့မှဥပုပ်လမှာ
လူမြင်ကွင်းထဲဘာမှမစားရတာကိုသတိရတော့တယ်။သူကဥပုပ်လမို့အစားမစားဖို့သတိပေးတာကိုတလွဲ
တွေးပြီးအိမ်မှာထမင်းစားလာတဲ့အကြောင်းပါထပ်ပြောပြလိုက်သေးတယ်။အဲဒီတော့မှကျမလည်းကိုယ်ကို
ကိုယ်တွေးရင်းရယ်ချင်တာတလိမ့်လိမ့်ပဲ။ကံကောင်းလို့အဖမ်းမခံရတာ။သဘောကောင်းတဲ့သူနဲ့တွေ့လို့
တော်သေးတာပေါ့။မဟုတ်ရင်လုံခြုံရေးခေါ်ပြီးတခုခုလုပ်မှာအသေအချာပဲ။ကျမဆိုတဲ့ကျမကအဲဒီလိုလွဲ
တတ်တဲ့သူပါ။

အားလုံးကိုယ်စိတ်နှလုံးရွှင်ပြုံးကြပါစေ

ကဲ..........မှတ်ထား

` Ridge Hall Computer Service Centre ကပါ။ဘာများကူညီရမလဲခင်ဗျာ။`
` word ထဲမှာစာရိုက်ရတာပြဿနာလေးနည်းနည်းရှိနေလို့ပါ။`
`ဟုတ်ကဲ့။ဘယ်လိုဖြစ်နေလို့လဲခင်ဗျာ။`
`တချိန်လုံးစာတွေရိုက်နေတာကိုရိုက်ရင်းကစာလုံးတွေကထွက်ပြေးကုန်လို့ပါ။``
`စာလုံးတွေကထွက်ပြေးတယ်။`
`ရိုက်ထားတာတွေပျောက်ကုန်တာကိုပြောတာပါ။`
`ဟုတ်ပြီ။ဒါဆိုခင်ဗျားရဲ့screen ကခုဘယ်ပုံစံဖြစ်နေလဲ။`
`ဘယ်လိုမှဖြစ်မနေဘူး။`
`ဘယ်လိုမှမဖြစ်ဘူးဟုတ်လား။`
`ဟုတ်တယ်။ကျွန်တော်ဘာရိုက်ရိုက်ဘာမှမမြင်ရပဲဗြောင်ကြီးပဲဖြစ်နေတာ။`
`ဒါဆိုခင်ဗျားအခုword ထဲမှာရှိနေတုန်းလား။`
`ဘယ်လိုပြောရမလဲဗျာ။`
`နေပါစေတော့။ခင်ဗျား screen ပေါ်မှာ c:/document ဆိုတာမြင်ရလား။`
`ဘာလဲ sea-document ဆိုတာ။`
`ကိစ္စမရှိဘူး။cursor ကိုရောscreen ပေါ်မှာဟိုရွှေ့ဒီရွှေ့လုပ်လို့ရလား။`
`screen ပေါ်မှာဘာ cursor မှမရှိဘူး။ကျွန်တော်ပြောတယ်လေ။ဘာမှရိုက်လို့မရပါဘူးဆိုမှ။`
`ဒါဆို monitor မှာရောပါဝါမီးလင်းနေလား။`
`monitor ဆိုတာဘာလဲ။`
`တီဗွီလိုဖန်သားပြင်နဲ့က monitor ပေါ့။ခင်ဗျားပါဝါဖွင့်တော့ monitor ကနည်းနည်းလင်းလာလား။`
`ကျွန်တော်မသိဘူး။`
`ဒါဆိုရင် monitor နောက်ဘက်ကိုသွားပြီး ပါဝါကြိုးဘယ်ကိုသွားတယ်ဆိုတာကြည့်ကြည့်ပါ။ပါဝါကြိုးကို
ရှာလို့တွေ့လား။`
`တွေ့ပြီလို့ထင်တာပဲ။`
`ဟုတ်ပြီ။ဒါဆိုပါဝါကြိုးကိုနံရံကမီးခလုတ်မှာတပ်ထားလား။`
`တပ်ထားတယ်။`
`ခင်ဗျား monitor နောက်မှာတုန်းက monitor မှာကေဘယ်လ်ကြိုးနှစ်ခုရှိတာတွေ့မိလား။တစ်ခုတည်း
မဟုတ်ဘူးနော်။`
`မတွေ့ဘူး။`
` ဟုတ်ပြီ။ဒါဆို monitor နောက်ပြန်သွားပြီးကေဘယ်လ်ကြိုးနောက်တကြိုးကိုထပ်ရှာပါအုံး။``
` တွေ့ပြီ။`
`အဲဒီကြိုးကခင်ဗျားကွန်ပျူတာရဲ့နောက်မှာသေချာတပ်ထားမထားစစ်လိုက်ပါ။`
`နောက်ဘက်ကိုထပ်ဝင်လို့မရတော့ဘူး။`
`ဒါဆိုတပ်ထားတာရောမြင်ရလား။`
`မမြင်ရဘူး။``
`ဒါဆိုခင်ဗျားနဲ့တိုက်မိပြီးကြိုးလွတ်သွားတာများလား။`
`မဟုတ်ပါဘူး။အထဲမှာမှောင်နေလို့ပါ။`
`မှောင်နေတယ်။`
`ဟုတ်တယ်။ရုံးခန်းမီးပိတ်ထားလို့။ခုပြတင်းကလာတဲ့အလင်းနဲ့လုပ်နေတာ။`
`ဒါဆိုမီးဖွင့်လိုက်လေ။`
`ဖွင့်လို့မရဘူး။`
`ဘာလို့ဖွင့်လို့မရတာလဲ။`
`ခုမီးပျက်နေတာလေ။`
`မီးပျက်နေတာ။ကောင်းပြီ။ခုအကြာင်းအရင်းကိုသိပြီ။ခင်ဗျားမှာကွန်ပျူတာဝယ်လာတုန်းကပါလာတဲ့ပုံး
တွေ၊စာရွက်စာတမ်းတွေရှိသေးလား။`
`ရှိတယ်။ကျွန်တော်သိမ်းထားတယ်။`
`အဲဒါဆိုရင်တော့ကွန်ပျူတာကိုဝယ်လာတုန်းကအတိုင်းအဲဒီပုံးထဲပြန်ထည့်ပြီးဝယ်လာတဲ့ဆိုင်ကိုပြန်ပို့
လိုက်တော့။`
`တကယ်လား။အဲဒီလောက်တောင်အခြေအနေဆိုးနေလားဟင်။`
`ဟုတ်တယ်။ဆိုးတယ်။`
`ဒါဆိုဆိုင်ကိုဘယ်လိုပြောလိုက်ရမလဲဟင်။`
`ခင်ဗျားအနေနဲ့ကွန်ပျူတာကိုပိုင်ဆိုင်ဖို့မဖြစ်နိုင်လောက်အောင်ညံ့ဖျင်းနေလို့ပါလို့ပြောလိုက်။`

အားလုံးကိုယ်စိတ်နှလုံးရွှင်ပြုံးကြပါစေ

သာယာတဲ့မနက်ခင်းတွေကိုဘယ်လိုဖန်တီးမယ်

         တနေ့တာရဲ့အချိန်တွေထဲမှာမနက်စောစောကိုဘယ်သူကမှသဘောကျနှစ်ခြိုက်ကျမှာမဟုတ်ပါဘူး။
ဒါ့အပြင်ဟောလီးဝုဒ်ဇာတ်ကားကောင်းတွေကြည့်မိလို့ဥာဥ့်နက်သွားတဲ့အခါမျိုးမှာတော့ပိုဆိုးတော့မပေါ့။မ
နက်ခင်းမှာစိတ်ရှုတ်ထွေးမကြည်လင်ပါကသင့်တနေ့တာလုံးများစွာအခက်တွေ့စေနိုင်တာကိုသိထားပါ။သင့်ရဲ့နေ့ရက်တွေတိုင်းမှာစိတ်အပန်းပြေစေနိုင်တဲ့ပျော်ရွှင်မှုတွေနဲ့ပြည့်နှက်နေပါမှအောင်မြင်တဲ့ဘဝကို
ရရှိနိုင်မှာပါ။သင့်မနက်ခင်းတွေမှာကြည်လင်လန်းဆန်းစေမယ့်အချက်တွေရှိပါတယ်။
(၁) အိပ်ယာဝင်တဲ့အခါသင့်ပြတင်းခန်းဆီးကိုတဝက်ဖွင့်ပြီးအိပ်ပါ။မိုးလင်းလို့နေရောင်ကခန်းဆီးကဝင်လာ
တဲ့အခါသင့်ဦးနှောက်ကိုနိုးကြားစေတာမို့အိပ်ယာထဖို့အချိန်ရောက်ပြီဖြစ်ကြောင်းအချက်ပေးလိုက်သလိုပါ
ပဲ။ဒီလိုဆိုနှိုးစက်သံလည်းမြည်ရောသင်ဟာနိုးနှင့်နေပါပြီ။အကောင်းဆုံးကတော့စောစောအိပ်တာပါ။အဲလို
ဆိုရင်တော့သင်ဟာနှိုးစက်ကိုအားကိုးစရာမလိုပဲသင့်မျက်စိကကျင့်သားရနေတာမို့မနက်နေရောင်နဲ့အတူနိုး
ထလာနိုင်ပါလိမ့်မယ်။
(၂) နှိုးစက်ကိုသင့်ထမယ့်အချိန်ထက်၁၅မိနစ်စောပေးပါဒီလိုလုပ်ခြင်းအားဖြင့်အိပ်ယာကအလျင်စလိုထစ
ရာမလိုတော့ပါဘူး။သင့်ရဲ့မနက်ခင်းကိုမိနစ်ပိုင်းလောက်အိပ်ယာထဲမှာလဲလျောင်းရင်းတနေ့တာအစီအစဉ်
တွေကိုစဉ်းစားနိုင်ပါတယ်။ဒီနေ့အဖို့ဘာဝတ်မယ်။ဘာတွေလုပ်မယ်။မနက်စာဘာစားမယ်ဆိုတာမျိုးတွေပေါ့။
ဒါဟာတနေ့တာရဲ့အရေးကြီးတဲ့စိတ်ပိုင်းဆိုင်ရာပြင်ဆင်မှုပါ။နောက်ပြီးဒီမိနစ်ပိုင်းလေးကသင်တကယ်ပိုင်
ဆိုင်တဲ့အချိန်ပိုင်းလေးပါပဲ။
(၃) သင့်မျက်လုံးတွေကိုမဖွင့်သေးခင်အပြင်းကြောဆန့်ပါ။လက်မောင်းကိုမြှောက်လို့လက်ချောင်းတွေကိုဆွဲ
ဆန့်ပါ။ပြီးရင်လက်ဖဝါးတွေကိုဆုတ်နယ်ပေးပါ။တဖက်ပြီးရင်နောက်တဖက်ပြောင်းလုပ်ပါ။လက်ပြီးရင်တော့
ခြေချောင်းလေးတွေ၊ခြေဖဝါးနဲ့ခြေကျင်းဝတ်တို့ကိုဆွဲဆန့်ဆုတ်နယ်ပေးပါ။နောက်ဆုံးကျရင်တော့လည်ပင်း
နဲ့ကျောပြင်ကိုနှိပ်နယ်ပေးပြီးမှအိပ်ယာကထပါ။အဲဒီလိုလုပ်တာဟာသင့်ရဲ့ကြွက်သားနဲ့အရိုးအဆစ်တွေကို
ပျော့ပြောင်းစေတာမို့သွေးလည်ပတ်မှုကောင်းစေပြီးသင့်ခန္ဓာကိုယ်အတွက်လိုအပ်တဲ့အောက်ဆီဂျင်ကိုလဲ
ပေးစွမ်းနိုင်ပါတယ်။
(၄) ရေပန်းအောက်မှာခုံတစ်လုံးထားပြီးထိုင်ပါ။လွယ်လင့်တကူဝယ်လို့ရတဲ့ပလတ်စတစ်ခုံလိုဟာမျိုးကိုသုံး
ပါ။ခုံကိုရေပန်းအောက်မှာခဏထားပြီးနွေးအောင်လုပ်ပါ။ပြီးရင်ခုံပေါ်ထိုင်ပြီးသင့်နောက်ကျောကိုရေပန်းနဲ့ဖြန်းပက်ပေးပါ။အဲဒီလိုလုပ်တာဟာရေအားနဲ့နှိပ်နယ်သလိုမျိုးမို့အကောင်းဆုံးအပန်းဖြေနည်းတစ်မျိုးပါပဲ။
မိနစ်ပိုင်းလောက်လုပ်ပြီးရင်တော့ထိုင်ခုံကိုဖယ်ပြီးစိတ်ကြိုက်ရေချိုးနိုင်ပါပြီ။
(၅) မနက်တိုင်းစိတ်အားဖြည့်အဆိုအမိန့်တခုခုကိုဖတ်ဖြစ်ပါစေ။ဒါဟာသင့်တနေ့တာအတွက်စိတ်ခွန်အား
သစ်ကိုတည်ဆောက်လိုက်တာပါပဲ။နောက်တခုကသင့်စိတ်ကိုကြည်နူးစေတဲ့ကဗျာ၊သို့မဟုတ်စာတပိုဒ်ကို
ပြန်ဖတ်တာ။ဒါမှမဟုတ်ဂီတသံစဉ်တခုခုကိုပြန်နားထောင်တာမျိုးကိုလုပ်ပါ။
(၆) ဗီတာမင်အားဆေးကိုပုံမှန်သောက်ပါ။ဗီတာမင်ဆေးဗူးကိုမီးဖိုထဲကကော်ဖီအိုးနားမှာထားပါ။ဒါမှမနက်
တိုင်းမမေ့မလျော့သောက်ဖြစ်မယ်။နှစ်နှစ်ဆယ်ကျော်စမ်းသပ်ပြုလုပ်ထားတဲ့သုတေသနစစ်တမ်းအရအမေ
ရိကန်လူမျိုးတွေရဲ့ကျန်းမာပျော်ရွှင်တဲ့ဘဝအတွက်ဗီတာမင်အားဆေးသောက်သုံးခြင်းကလည်းအဓိကအ
ကြောင်းအရင်းတချက်ဖြစ်နေတာတွေ့ရတယ်။
(၇)မနက်စောစောမှာဘယ်လိုဆုံးဖြတ်ချက်မျိုးမှမချပါနဲ့။တတ်နိုင်သမျှရွေးခြယ်ဆုံးဖြတ်ရမယ့်ဟာမျိုးတွေ
ကိုရှောင်ကြဉ်ပါ။သင့်မနက်ခင်းဟာပုံမှန်ရိုးရှင်းတဲ့မနက်ခင်းဖြစ်နေဖို့လိုပါတယ်။
(၈) သင်းပျံ့တဲ့ကော်ဖီရနံ့နဲ့သင့်စိတ်ကိုကြည်လင်ပါစေ။သင်တတ်နိုင်သလောက်အကောင်းဆုံးကော်ဖီအ
မျိုးအစားကိုဝယ်ပါ။လတ်ဆတ်တဲ့ကော်ဖီစေ့ဆိုလျင်ပိုကောင်းပါတယ်။ကော်ဖီဖျော်ရင်တော့coffee maker
ကိုထည့်ဖို့မမေ့ပါနဲ့။coffee maker မပါတဲ့ကော်ဖီပျင်းတွေဟာသင့်ကိုငါးမြှားချိတ်နဲ့ဆွဲချိတ်လိုက်သလိုမျိုး
အိပ်ယာကနိုးထစေတာမို့ပါ။ကော်ဖီသောက်ဖို့အကောင်းဆုံးအချိန်ကမနက်ပိုင်းဖြစ်ပါတယ်။ကဖိန်းဓါတ်က
သင့်ရဲ့အာရုံကြောတွေကိုနိုးကြားတက်ကြွစေနိုင်တဲ့အပြင်စိတ်တည်ငြိမ်မှုကိုလည်းပေးစွမ်းနိုင်တယ်။ဒါ့အ
ပြင်ခေါင်းကိုက်ဝေဒနာကိုလည်းပြေပျောက်စေနိုင်ပါတယ်။
(၉) နောက်ဆုံးအနေနဲ့ကတော့အလုပ်မသွားခင်သင့်ခံတွင်းကိုသန့်ရှင်းရေးလုပ်ပါ။ဒါမှသင့်ရဲ့ဝင်လေထွက်
လေဟာသန့်ရှင်းလတ်ဆတ်လို့အများသူငါကိုကြည်လင်လန်းဆန်းမှုတွေပေးစွမ်းနိုင်ပါလိမ့်မယ်။ဒီလိုဆိုရင်
တော့ပြီးပြည့်စုံတဲ့မနက်ခင်းတွေကိုပိုင်ဆိုင်ရမှာအမှန်ပါပဲ။


အားလုံးကိုယ်စိတ်နှလုံးရွှင်ပြုံးကြပါစေ

လက်ဆင့်ကမ်းစေတနာ

           ကျမနဲ့ကျမသူငယ်ချင်းတွေဟိုတယ်မှာနေ့လည်စာစားလို့ပြီးခါနီးမှာပဲမိုးကသည်းသည်းထန်ထန်ရွာ
လာတယ်။မိုးနည်းနည်းစဲသလောက်ရှိတော့ဟိုတယ်နဲ့သုံးလမ်းကျော်ကကျမရုံးမှာရပ်ထားတဲ့ကားကိုသွားယူ
ဖို့မိုက်မိုက်မဲမဲဆုံးဖြတ်လိုက်တယ်။ကျမသူငယ်ချင်းတွေကမသွားဖို့တားကြတယ်။အဲဒီအချိန်မှာကျမကိုယ်ဝန်
က၇လကျော်နေပြီမို့သူတို့ကစိုးရိမ်ကြတာ။ဒါနဲ့ပဲကျမကသေချာဂရုစိုက်ပြီးသွားမယ့်အကြောင်းသူတို့ကိုအာမ
ခံပြီးထွက်လာခဲ့လိုက်တယ်။သူငယ်ချင်းတစ်ယောက်ကကျမနဲ့လိုက်ခဲ့ပေးချင်ပေမယ့်တခြားကလေးပါတဲ့သူ
ငယ်ချင်းမအတွက်လည်းအဖော်လိုတာမို့မလိုက်ဖို့အတင်းတားပြီးထားခဲ့ရတယ်။
           ဟိုတယ်ကထွက်ပြီးကားဆီကိုအသွားမှာမီးပွိုင့်တစ်ခုရောက်တော့ကားတစ်စီးကရပ်လိုက်ပြီးကား
ထဲကလူတစ်ယောက်ထီးဖွင့်ဆောင်းပြီးထွက်လာတယ်။ဘာဖြစ်တယ်ဆိုတာမသိလိုက်ခင်မှာပဲအဲဒီလူကကျ
မဘေးရောက်နေပြီးကျမသွားမယ့်နေရာရောက်တဲ့အထိသူလိုက်ပို့ပေးမယ့်အကြောင်းပြောတယ်။ကျမ
လည်းရှက်ရှက်နဲ့ကိစ္စမရှိဘူးဆိုတာပြောပေမယ့်သူကခေါင်းမာစွာပဲဘေးကပါလာတယ်။တလမ်းလုံးလည်း
မြေကြီးကစိုပြီးချောနေတာမို့သတိထားပြီးဖြည်းဖြည်းလျှောက်ဖို့အကြောင်းတတွတ်တွတ်နဲ့ပြောလာတာ။
ကားရပ်ထားတဲ့နေရာရောက်တော့ကျမလည်းသူ့ကိုကျေးဇူးစကားပြောပြီးကိုယ့်လမ်းကိုယ်ဆက်ကြတာပေါ့။
အဲဒီလူရဲ့နံမည်ကိုကျမမသိခဲ့ရသလိုခုဆိုသူ့မျက်နှာကိုမှတ်မိဖို့တောင်မလွယ်ပါဘူး။အဲဒီလူကကျမကိုကူညီ
ဖို့အတွက်တမင်ကားရပ်ခဲ့တာလားဆိုတာတော့ကျမဘယ်တော့မှမသိနိုင်မယ့်အဖြေပါ။အဲဒီတော့ဒီကျေးဇူး
ကိုကျမဘယ်လိုတုန့်ပြန်နိုင်ပါတော့မလဲ။
           တနေ့တော့မိုးသည်းထဲမှာအိန္ဒိယလူမျိုးဆောက်လုပ်ရေးအလုပ်သမားနှစ်ယောက်ကျမအိမ်ရှေ့က
ဖြတ်လျှောက်သွားတာတွေ့လိုက်ရတယ်။သူတို့ကကျမတို့ရပ်ကွက်နဲ့တော်တော်လှမ်းတဲ့လုပ်ငန်းခွင်ရှိရာကို
သွားကြဟန်တူပါတယ်။အဲဒါနဲ့ကျမလည်းထီးယူအပြင်ထွက်ပြီးသူတို့ကိုထီးပေးလိုက်တယ်။သူတို့ကလည်း
ကျမစေတနာကိုအသိအမှတ်ပြုတဲ့အနေနဲ့ဝမ်းသားအားရလက်ခံရှာပါတယ်။ကျမကဒီထီးကိုပြန်ပေးစရာမ
လိုတဲ့အကြောင်းပြောလိုက်တော့ကျေးဇူးစကားအထပ်ထပ်ဆိုပြီးထွက်သွားကြတယ်။သူတို့လည်းကျမတုန်း
ကလိုပဲလူစိမ်းတစ်ယောက်ကဘာလို့ဒီလိုကြင်ကြင်နာနာကူညီရတာလဲဆိုတာကိုမယုံနိုင်သလိုတအံ့တသြ
ဖြစ်သွားကြပုံပါပဲ။ကျမအတွက်ကတော့ကိုလူစိမ်းပြုခဲ့တဲ့စေတနာကိုတုန့်ပြန်လိုက်နိုင်တာကတကြောင်း၊
သူတို့ရဲ့ပီတိမျက်နှာကိုမြင်လိုက်ရတာကတကြောင်းမို့အတိုင်းမသိကြည်နူးလို့ပေါ့။

အားလုံးကိုယ်စိတ်နှလုံးရွှင်ပြုံးကြပါစေ

စူပင်ထွက်မယ်

        ကျမတို့မြန်မာနိုင်ငံလည်းနိုင်ငံတကာနဲ့အတူရင်ပေါင်တန်းပြီးစူပါမားကတ်တွေ၊ရှောပင်းစင်တာတွေ
အပြိုင်အဆိုင်ဖွင့်လာကြပါပြီ။ဈေးမှာဈေးဝယ်ရတာထက်အဲဒီလိုနေရာတွေမှာဝယ်ရတာကသန့်သန့်ရှင်း
ရှင်းနဲ့ဈေးနှုန်းကမှန်တတ်တာမို့တော်တော်များများကသဘောကျနှစ်ခြိုက်ကြပါတယ်။အဲဒီလိုသဘောကျတဲ့
သူတွေထဲမှာကျမအန်တီငယ်ကသူများထက်ထူးတယ်လို့ပြောရမယ်။သူကတစ်လကိုအနည်းဆုံးသုံးလေးခါ
ဈေးဝယ်ထွက်လေ့ရှိတယ်။သူ့အပြောကတော့shoppingထွက်တယ်ပေါ့လေ။ကျမတို့အိမ်နားကလူတွေက
ဈေးဝယ်တာခြင်းအတူတူနေ့စဉ်ဈေးမှာပုံမှန်ဈေးဝယ်တာကိုတော့shoppingထွက်တယ်လို့မပြောပဲစူပါမား
ကတ်တို့၊ရှောပင်းစင်တာတို့မှာဈေးဝယ်တာမှshoppingထွက်တယ်ပေါ့လေ။
          ကျမအန်တီငယ်ဈေးဝယ်ထွက်တိုင်း(သူ့အပြောshoppingထွက်တိုင်း)အထက်အောက်မို့ပိုရင်းနှီးတဲ့
ကျမအမေကိုအပါခေါ်လေ့ရှိတယ်။သူကမွေးတည်းကဘာမဆိုအပေါင်းအဖော်လေးပါမှလုပ်တတ်တာဆို
တော့ဘယ်သွားသွားတယောက်တည်းဘယ်တော့မှမသွားပါဘူး။ကျမအမေမအားလို့ကတော့ကျမကိုအ
တင်းအနိုင်ကျင့်ခေါ်လေ့ရှိတယ်။မလိုက်ချင်လည်းမရ၊အာဏာသုံးခေါ်တတ်တဲ့အဒေါ်မို့ကျမမှာအားရင်
လိုက်ပေးရတတ်ပါတယ်။(အန်တီသုံးတဲ့အာဏာကကျမအတွက်တခုခုဝယ်ပေးတတ်တာပါ)
         တနေ့ကျမအန်တီရဲ့မွေးစားသမီးလေးကအိမ်ကိုလာပြီးပြောတယ်။အမေကစူပင်သွားမလို့အားရင်
လိုက်ခဲ့ပေးပါတဲ့။ကျမလည်းတော်တော်စဉ်းစားရကြပ်သွားတယ်။စူပင်ဆိုတာဘာပါလိမ့်ပေါ့။အသစ်ဖွင့်တဲ့
စူပါမားကတ်အသစ်များလားလို့တွေးလိုက်မိတယ်။အဲဒါနဲ့ဟဲ့ဘယ်သွားမှာလဲလို့ပြန်မေးတော့သူကဘာပြော
တယ်မှတ်လဲ။မသိင်္ဂီကလည်းတုံးလိုက်တာ။စူပင်သွားမှာပါဆိုမှoceanကိုသွားပြီးဈေးဝယ်ထွက်မှာတဲ့လေ။အဲ
ဒီတော့မှကျမလည်းသဘောပေါက်တော့တယ်။စူပင်ဆိုတာဒါပါလားလို့။

အားလုံးကိုယ်စိတ်နှလုံးရွှင်ပြုံးကြပါစေ

ဒါလေးတောင်မသိဘူး

        စိတ်ရောဂါကုဆရာဝန်တစ်ယောက်ကသူ့လူနာကိုစမ်းသပ်နေသည်။
   `တခါတလေခင်ဗျားအသံတခုခုကြားရတာမျိုးဖြစ်တတ်လား။ဘယ်သူပြောတယ်၊ဘယ်နေရာကပြော
တယ်ဆိုတာကိုမသိပဲနဲ့လေ။`
     `ဟုတ်ကဲ့။ကြားရတတ်ပါတယ်။`
     `ဟုတ်လား။အဲဒါမျိုးဘယ်လိုအချိန်တွေမှာဖြစ်တတ်လဲ။`ဟုဆရာဝန်ကမေးလိုက်သည်။
     `ဖုန်းဖြေတဲ့အခါမျိုးမှာပါ။`

အားလုံးကိုယ်စိတ်နှလုံးရွှင်ပြုံးကြပါစေ

အခွင့်အရေးသာရခဲ့ရင်

         ခုရက်ပိုင်းနယ်ကညီမလေးတစ်ယောက်နဲ့လိုင်းပေါ်မှာတွေ့တော့သူကရန်ကုန်မှာကျောင်းလာတက်
တာလို့ပြောတယ်။ကျမကဒီအရွယ်ရောက်နေပြီခုထိကျောင်းကတက်လို့မပြီးသေးလားလို့စတော့သူ
ကရယ်တယ်။အဲဒါနဲ့ကျမလည်းတွေးမိတယ်။ကျမတို့မြန်မာပြည်ကလူငယ်တွေရဲ့အနေအထားကိုပါ။ငွေ
ကြေးအဆင်ပြေတဲ့သူတွေကျတော့အချိန်တန်အရွယ်ရောက်နေတာတောင်မှလုပ်ငန်းခွင်မဝင်ကျသေးပဲသင်
တန်းတွေကိုတခုပြီးတခုတက်ရင်းအချိန်တွေကုန်နေကြတယ်။ငွေကြေးချို့တဲ့သူတွေမှာတော့အရွယ်မှမ
ရောက်သေးဘူးဝမ်းရေးအတွက်လုပ်ငန်းခွင်ဝင်ကြရပြီ။
         ပညာဆိုတာထိုက်သင့်သလောက်တော့မဖြစ်မနေသင်ယူရမယ့်အရာပါ။ပညာတတ်မှသူများအလိမ်
အညာမခံရမှာ။ဒါပေမယ့်တချိန်လုံးပညာနောက်လိုက်ရင်းအချိန်တွေကုန်နေတာမျိုးလည်းမဖြစ်သင့်ပါဘူး။
ကျမအလုပ်မှာဆိုအားလုံးငယ်ငယ်လေးတွေချည်းပဲ။သူတို့လေးတွေလည်းပညာကိုသင်ယူနေကြဆဲပါ။ဒါပေ
မယ့်ကျမတို့ဆီကလိုတော့ပညာပဲသင်နေတာမျိုးမဟုတ်ဘူး။လုပ်ငန်းခွင်ဝင်လို့ဘဝအတွေ့အကြုံကိုရှာဖွေ
ရင်းပညာကိုလည်းသင်ယူနေကြတာ။အဲဒီတော့ကျောင်းပြီးလို့ပညာလည်းစုံ၊ဘဝအတွေ့အကြုံလည်းထိုက်
သင့်သလောက်ရနေပြီမို့ဘဝတက်လမ်းအတွက်အတော်ကိုအထောက်အကူဖြစ်ပါတယ်။
       ကျမတို့မြန်မာပြည်ကလူတွေကိုလည်းဒီလိုဖြစ်စေချင်တယ်။ကျောင်းတွေတက်ရင်းအချိန်တွေကုန်နေ
မယ့်အစားကိုယ့်သင်ယူနေတဲ့ပညာနဲ့သင့်တော်မယ့်အလုပ်မျိုးလုပ်ကြည့်စေချင်တယ်။အဝေးသင်တက်ပြီး
အလုပ်လုပ်တဲ့သူတွေကတော့ကိုယ့်သင်ယူနေတဲ့ပညာနဲ့ကိုက်မကိုက်မသိပေမယ့်လုပ်ငန်းခွင်ဝင်နေကြတဲ့
သူတွေဆိုတော့မဆိုးဘူးလို့တော့ပြောရမှာပေါ့။ပညာပဲသင်နေတဲ့သူတွေကတော့အချိန်ပိုတွေကလည်းရှိနေ၊
အဲဒီအချိန်ပိုတွေကိုဘယ်လိုဖြုန်းရမှန်းမသိဆိုတော့စိတ်ကူးတည့်ရာလုပ်ရင်းနဲ့ပျင်းကုန်ကြတယ်။နောက်
တော့ရည်ရွယ်ချက်၊ရည်မှန်းချက်တွေပျောက်ကုန်ကြတော့ဘဝတိုးတက်လမ်းတွေပါဝေဝါးကုန်ကြတာပေါ့။
        ဒီကနိုင်ငံတွေနဲ့မတူတဲ့အချက်တခုကမြန်မာပြည်မှာကျောင်းသားလူငယ်တွေလုပ်လို့ရမယ့်အ
ချိန်ပိုင်းအလုပ်မရှိဘူး။အဲဒီလိုအလုပ်မျိုးတွေဖန်တီးပေးရင်ကျမတို့မြန်မာလူငယ်တွေအတွက်တော်တော်
အဆင်ပြေလာမယ်ထင်ပါတယ်။ဒီလိုပညာသင်ရင်းအလုပ်လုပ်ခွင့်သာရမယ်ဆိုရင်ပညာနောက်လိုက်ရင်းအ
ချိန်တွေကုန်သွားတာမျိုးမဖြစ်နိုင်တော့သလိုပညာရေးတပိုင်းတစနဲ့အလုပ်ဝင်လိုက်ရတဲ့အဖြစ်တွေလည်း
လျော့သွားမယ်။နောက်ပြီးပညာပြည့်ဝပြီးထူးချွန်တဲ့သူတွေများလာမယ်။အဲလိုသာဆိုရင်ကျမတို့နိုင်ငံလည်း
သူများနည်းတူတိုးတက်လာမှာအသေအချာပါ။
       ဒါပေမယ့်ကျမတခုတော့တွေးမိတယ်။စိတ်ကူးတွေသိပ်ယဉ်သလိုများဖြစ်နေပြီလားလို့။

အားလုံးကိုယ်စိတ်နှလုံးရွှင်ပြုံးကြပါစေ

ဘုရားဖူးသွားနော်

             မြန်မာမှန်ရင်ပုဂံရောက်ဖူးရမယ်ဆိုတဲ့စကားကြားဖူးတော့ကိုယ့်ကိုကိုယ်တော်တော်အားငယ်သွား

တယ်။ကျမကအထက်မြန်မာပြည်ကိုရောက်ဖို့အကြောင်းမပါဘူးထင်ပါရဲ့။တခါမှမရောက်ဖူးဘူး။အဲဒါကြောင့်

ကျမနဲ့ဘဝတူတွေများရှိနေမလားဆိုပြီးပုဂံဘုရားပုံတွေကိုပြန်ဝေမျှလိုက်ပါတယ်နော်။

အားလုံးကိုယ်စိတ်နှလုံးရွှင်ပြုံးကြပါစေ

အလည်လာသူများသုံးဆောင်ရန်

      အလည်လာသူဧည့်သည်များအတွက်ကျမအကြိုက်ဆုံးမြန်မာအစားအစာလေးများနဲ့ဧည့်ခံပါရစေနော်။အားလုံးစိတ်ကြိုက်သုံးဆောင်ကြပါရှင်။

အားလုံးကိုယ်စိတ်နှလုံးရွှင်ပြုံးကြပါစေ

စိတ်ကိုဘယ်လိုထိန်းကျောင်းပြုပြင်မယ်

           လူပတ်ဝန်းကျင်မှာကျင်လည်နေရတဲ့လူတွေရဲ့စိတ်အခြေအနေဟာအချိန်မရွေးပြောင်းလဲနေတတ်
ပါတယ်။စိတ်ခံစားမှုဆိုတာကပတ်ဝန်းကျင်၊အခြေအနေ၊အချိန်အခါကိုလိုက်ပြီးအချက်မပေးပဲရုတ်တရက်ကျ
တတ်တဲ့မုန်တိုင်းလိုအချိန်မရွေးပြောင်းလဲနေတာမျိုးပါ။ပတ်ဝန်းကျင်အခြေအနေကိုလိုက်ပြီးအပြောင်းအလဲ
မြန်ဆန်လေ့ရှိတဲ့လူအများစုမှာအဲဒီလိုဖြစ်ရတဲ့အကြောင်းရင်းများစွာရှိသလိုမိမိတို့ရဲ့စိတ်ခံစားမှုတွေတိုး
တက်မြင့်မားလာအောင်ပြုပြင်ပြောင်းလဲပစ်လို့ရတဲ့နည်းလမ်းပေါင်းများစွာလည်းရှိနေပြန်ပါတယ်။
`စိတ်ဓါတ်အင်အားတွေမြင့်မားလာအောင်ဘယ်လိုလုပ်မလဲ`
           ပထမဆုံးအနေနဲ့စိတ်မကြည်မလင်ဒေါသဖြစ်နေတာကိုသိအောင်ကြိုးစားပါ။အဲဒီလိုမိမိစိတ်အခြေ
နေမှန်ကိုသိသွားတဲ့အခါကိုယ့်ကိုကိုယ်ထိန်းချုပ်လာနိုင်ပါလိမ့်မယ်။ဒါ့အပြင်ဒီနည်းလမ်းတွေကလည်းသင်တို့
ရဲ့စိတ်ခံစားမှုတွေကိုပြုပြင်ပြောင်းလဲပေးနိုင်ပါလိမ့်မယ်။
၁။စိတ်ဓါတ်ကျကာစိတ်ရှုတ်ထွေးနေပါကကိုယ်ကာယလေ့ကျင့်ခန်းပြင်းပြင်းထန်ထန်လုပ်ပါ။
၂။စိတ်ပင်ပန်းနွမ်းနယ်နေသည်ဟုထင်ပါကရေနွေးပူပူတွင်ခပ်ကြာကြာရေစိမ်ချိုးပါ။အကြောအခြင်များပြေ
သွားပါကစိတ်ကြည်လင်လန်းစမ်းသွားတတ်ပါတယ်။
၃။စိတ်သောကရောက်နေသည့်အခါရုပ်ရှင်ကြည့်ပါ။သို့မဟုတ်စာအုပ်ဖတ်ပါ။သို့မဟုတ်လျှင်မိတ်ဆွေအ
ပေါင်းအသင်းများနှင့်စကားလက်ဆုံပြောပါ။
၎။လက်ရှိပတ်ဝန်းကျင်ကနေရှောင်ထွက်နိုင်ရန်ကြိုးစားပါ။ရှောင်ထွက်သွားဖို့မဖြစ်နိုင်ပါကမိမိကိုစိတ်ကြည်
နူးချမ်းမြေ့စေခဲ့သည့်နေရာဒေသ၊အဖြစ်အပျက်များကိုအမှတ်ရနေလိုက်ပါ။
၅။အရာရာကိုအကောင်းမြင်တတ်ပြီးပျော်ပျော်နေတတ်သူများနှင့်မိတ်ဆွေဖွဲ့ပါ။
၆။မိမိအကြောင်းကောင်းသတင်းများကိုနားစွင့်ပါ။သတင်းကောင်းတခုသည်လည်းသင်တို့ရဲ့စိတ်ဓါတ်စွမ်း
အားများကိုမြှင့်တင်ပေးနိုင်ပါလိမ့်မယ်။
       ထိုအချက်များကသင်တို့၏စိတ်ဓါတ်အင်အားများကိုတိုးတက်စေနိုင်ပါတယ်။သို့သော်ဒေါသဆိုသည်မှာ
မုန်တိုင်းတခုကဲ့သိုအချိန်မရွေးဝင်လာတတ်ပြီးအချိန်မရွေးပင်ပြန်ထွက်သွားတတ်သောအရာဆိုသည်ကို
တော့မမေ့သင့်ပေ။
အားလုံးကိုယ်စိတ်နှလုံးရွှင်ပြုံးကြပါစေ

လိုရင်းသာအဓိက

          တခုသောညနေခင်းတွင်သမ္မတဘီလ်ကလင်တန်သည်သူ့ဒရိုင်ဘာနှင့်အတူကျေးလက်ဒေသသို့လေ့
လာရေးခရီးဆန့်ထွက်လာခဲ့သည်။ထိုစဉ်သူတို့ကားဖြင့်ဝက်တစ်ကောင်ကိုတိုက်မိရာထိုဝက်သေသွားလေ
သည်။ကလင်တန်ကလယ်ပိုင်ရှင်အားအကျိုးအကြောင်းပြောပြတောင်းပန်ရန်သူ၏ဒရိုင်ဘာကိုလွှတ်လိုက်
သည်။
          တနာရီခန့်ကြာပြီးနောက်ဒရိုင်ဘာမှာအဝတ်အစားများတွန့်ကြေကာလက်တစ်ဖက်တွင်ဝိုင်ပုလင်း၊
ကျန်တစ်ဖက်တွင်စီးကရက်ဗူးကိုင်ကာပြန်ရောက်လာသည်။
         `ဒါကဘယ်လိုဖြစ်လာတာလဲကွာ`ဟုဘီလ်ကမေးလိုက်သည်။
          `ဒီလိုပါ။ဝိုင်ပုလင်းကလယ်ပိုင်ရှင်ပေးတာ။စီးကရက်ကတော့သူ့အိမ်သူပေးတာပါ။နောက်ပြီးသူတို့ရဲ့သမီးအပျိုဖြန်းလေးကအချစ်တွေပေးလိုက်လို့ပါ။`
          `ဘုရားသခင်။မင်းကသူတို့ကိုဘာသွားပြောလို့လဲ`
          `ကျွန်တော်ကသမ္မတဘီလ်ကလင်တန်ရဲ့ဒရိုင်ဘာဖြစ်ကြောင်းမိတ်ဆက်ပြီးကျွန်တော်ကြောင့်သူတို့
ဝက်သေသွားတဲ့အကြောင်းပြောလိုက်တယ်လေ။

အားလုံးကိုယ်စိတ်နှလုံးရွှင်ပြုံးကြပါစေ

ကျမရဲ့အလွဲများ(၁)

            လူသားတွေထဲကလူတစ်ယောက်ဖြစ်တဲ့ကျမမှာလည်းအလွဲပေါင်းများစွာရှိခဲ့ဖူးပါတယ်။ရှိလည်းရှိ
နေဆဲဖြစ်သလို၊ဆက်လည်းရှိနေအုံးမှာပါ။အဲဒီထဲကကျမပထမနှစ်ကျောင်းသူဘဝရဲ့အမှတ်တရအလွဲလေး
ကိုပြောပြမယ်။ကျမတို့ကျောင်းစတက်ချိန်မှာဒဂုံတက္ကသိုလ်ကိုသွားတဲ့ကားကတော်တော်နည်းသေးတယ်။
ကျမကမင်္ဂလာဒုံမှာနေသူမို့ကျောင်းသွားတဲ့အခါမြောက်ဥက္ကလာဘက်ကသွားလေ့ရှိတယ်။အဝိုင်းကနေ
ကျောင်းထဲသွားတဲ့ကားကမထသ(၄၉)အစိမ်းတစ်မျိုးပဲရှိတာမို့မနက်ကျောင်းချိန်ဆိုအဝိုင်းမှာလူအမြဲစည်
ကားနေတာပေါ့။ကားတစ်စီးလာပြီဆိုကျောင်းသူ၊ကျောင်းသားတွေမှာကားနောက်အပြေးလိုက်လို့ကားပေါ်
ကိုအလုအယက်တက်ကြရတာပါ။အဲဒီအချိန်မှာမိန်းကလေး၊ယောက်ျားလေးမခွဲနိုင်တော့ပါဘူး။အားလုံးက
ကိုယ့်အတန်းချိန်မှီဖို့အဓိကမို့လျင်သူကားပေါ်ရောက်စတမ်းလုတက်ရတာဆိုတော့စိတ်ပျက်စရာကောင်း
သလိုပျော်စရာလည်းကောင်းပါတယ်။
           တခုသောမနက်ခင်းမှာတော့ကျမလည်းထုံးစံအတိုင်းအမိကျောင်းတော်ကြီးကိုသွားဖို့အဝိုင်းမှတ်
တိုင်မှာကားစောင့်နေတာပေါ့။အတော်လေးကြာတော့စီးတော်ယာဉ်(၄၉)အစိမ်းကလူအပြည့်နဲ့ရောက်
လာတယ်။ကျမလည်းအတန်းချိန်နီးနေတာမို့လူကြပ်တာတွေဘာတွေမစဉ်းစားအားပဲတကိုယ်စာမတ်ရပ်
ခွင့်ရဖို့အရေးကားနောက်အပြေးလိုက်ရတာပေါ့။ကားရပ်တော့အဆင်းသမားများလို့ကားအောက်မှာရပ်
စောင့်နေတုန်းရုတ်တရက်ကျမလွယ်အိတ်ကိုတစ်ယောက်ယောက်ကလာထိလိုက်မှန်းသိလိုက်တယ်။သိ
သိချင်းပဲလွယ်အိတ်ကိုကြည့်လိုက်တော့ပိုက်ဆံအိတ်ကမရှိတော့ပါဘူး။ကားမလာခင်လေးကပဲကားခထုတ်
ပြီးပြန်ထည့်ထားတာမို့အိမ်မှာမကျန်ခဲ့တာသေချာပါတယ်။ဘေးဘီကိုလှည့်ကြည့်တော့လည်းအားလုံးက
သူလိုကိုယ်လိုကျောင်းသားတွေချည်းပါ။ကျမလည်းတော်တော်စိတ်ညစ်သွားတယ်။လက်ထဲမှာကကားခ
တစ်ဆယ်တန်လေးကိုင်လို့။ဘာဆက်လုပ်ရမှန်းမသိတော့ဘူး။အိမ်ပြန်ဖို့စဉ်းစားတော့ကားခကနှစ်ဆယ်
မို့မလောက်ငှပြန်။ကျောင်းထဲဆက်သွားဖို့ကျတော့လည်းတနေကုန်ပိုက်ဆံမရှိပဲနေရမယ်။နောက်ဆုံးတော့
ရှိတဲ့တစ်ဆယ်နဲ့လောက်တဲ့ကျောင်းထဲပဲသွားလိုက်ပါတယ်။
         အတန်းထဲရောက်တော့သူငယ်ချင်းတွေရှိနေတာမို့စားဖို့သောက်ဖို့မပူရတော့ပါဘူး။ချစ်စရာသူငယ်
ချင်းတွေကောင်းမှုနဲ့ကင်တန်းမှာဟန်မပျက်ထမင်းစားနိုင်ခဲ့ပါတယ်။ပြဿနာကအပြန်မှတွေ့တာ။ကျောင်း
ထဲကအဝိုင်းအသွားမှာတော့သူငယ်ချင်းအားလုံးခရီးအတူမို့ရယ်လိုက်မောလိုက်နဲ့အဆင်ပြေပြေပါပဲ။အ
ဝိုင်းရောက်လို့လမ်းခွဲကြတော့ဖြူသွယ်ဆိုတဲ့သူငယ်ချင်းမက၂၀၀တန်ထုတ်ပေးပါတယ်။အဲဒါကိုမထားအပ်
တဲ့အားနာမှုကြောင့်အကြွေ၅၀ပဲပေးဆိုပြီးသူငယ်ချင်းတစ်ယောက်ဆီကအကြွေလိပ်ကိုယူထားလိုက်တယ်။
နေ့လည်နေပူပူမှာကားကလည်းတော်တော်နဲ့မလာတော့တစ်နာရီလောက်စောင့်လိုက်ရတယ်။လာမယ့်
လာတော့လည်းကားဆက်ကပြတ်သွားတာမို့ကားနောက်ခန်းမှာလူအပြည့်အသိပ်ပါလာပေမယ့်ရှေ့ခန်းမှာ
တော့တယောက်စာလွတ်နေတာမို့ကျမလည်းဝမ်းသာအားရပြေးတက်တာပေါ့။ဒီလိုနဲ့ဇိမ်ကျလာလိုက်တာ
မြောက်ဥက္ကလာ၆ကွေ့ကျော်လို့ကားခပေးမယ်လည်းလုပ်ရောပိုက်ဆံက၇၀ပဲရှိတယ်။(ကားခကရှေ့ခန်းဆို၁၀၀ပါ)အဲဒီအချိန်ကျမှကျမလည်းဘာလုပ်လို့ဘာကိုင်ရမှန်းမသိတော့ဘူး။သူငယ်ချင်းပေးတုန်းကအလိပ်
လိုက်ဆိုတော့ဘယ်လောက်ရှိမှန်းမသိဘူးလေ။ပြီးတော့ခေါင်းခန်းကစီးဖို့အစီအစဉ်မရှိပဲနေရာရတာနဲ့ဝမ်း
သာအားရတက်စီးလိုက်တာကိုး။အိမ်နားရောက်ခါနီးမှဆိုတော့ရွေးစရာမရှိတော့ဘူး။ကားဒရိုင်ဘာကိုပဲ
မျက်နှာချိုသွေးရတော့တာပေါ့။စတက်တုန်းကတော့မျက်နှာတည်တည်အိုက်တင်အပြည့်။ကားခပေးခါ
နီးမှအရှက်ကိုလုံးလုံးကွဲရတော့တာ။ကျမလည်းရှက်လွန်းလို့စကားတောင်ပီအောင်မပြောနိုင်ဘူး။ကားဒရိုင်
ဘာကတော့မျက်နှာအဖြီးသားနဲ့ပိုက်ဆံမရှိရင်မပေးနဲ့ညီမလေးဆိုပြီးလောကွတ်ချော်ပါလေရော။ကျမလည်း
ကိုယ့်အပြစ်နဲ့ကိုယ်မို့ဘာမှပြန်မပြောနိုင်ပဲမြန်မြန်ရောက်ဖို့သာဆုတောင်းနေမိတော့တာ။ဆင်းမယ့်မှတ်တိုင်
ရောက်လို့ကားလည်းရပ်ရောကားပေါ်ကခုန်မချရုံတမယ်ဆင်းပြေးတာ။နောက်ပိုင်းမတော်တဆအဲဒီကား
နဲ့ဆုံတိုင်းဒရိုင်ဘာရဲ့မချိုမချဉ်မျက်နှာပေးကြောင့်အတော်ကိုစိတ်ကသကအောက်ဖြစ်ခဲ့ရတာတော်တော်
ကြာတဲ့အထိပါ။
        အဲဒီလိုနမော်နမဲ့နိုင်မှုကြောင့်အရှက်ရခဲ့တဲ့အဖြစ်ကိုတွေးမိတိုင်းရယ်ရမလိုငိုရမလိုနဲ့ခုချိန်ထိမမေ့
နိုင်တဲ့အမှတ်တရလေးမို့အားလုံးလည်းရယ်ရအောင်ပြန်ဖောက်သည်ချပေးလိုက်ပါတယ်နော်။
အားလုံးကိုယ်စိတ်နှလုံးရွှင်ပြုံးကြပါစေ

ချစ်ဖို့ကောင်းတဲ့မောင်

         ကြင်စဦးဇနီးမောင်နှံနှစ်ဦးညစာစားနေစဉ်ဇနီးလုပ်သူကခင်ပွန်းသည်ကိုဝမ်းသာစရာစကားပြော
လိုက်သည်။
            `မောင်ရေ........နောက်ဆိုခင်တို့အိမ်မှာလူတစ်ယောက်တိုးလာတော့မယ်သိလား။`
         ခင်ပွန်းဖြစ်သူကဝမ်းသာအားရဖြင့် `ဟုတ်လား။ဝမ်းသာလိုက်တာ။ဘယ်တော့လဲဟင်` ဟုမေးလိုက်သည်။
        ထိုအခါဇနီးသည်ကခင်ပွန်းဖြစ်သူကိုနမ်းလိုက်ပြီး  `ကျေးဇူးတင်လိုက်တာမောင်ရယ်။ရှေ့လမေမေ
ခင်တို့နဲ့လာနေတဲ့အခါကျရင်လည်းမောင်ဒီလိုပဲပြုံးပြုံးရွှင်ရွှင်နေရမယ်နော်။`
ဟုပြောလိုက်လေသည်။
အားလုံးကိုယ်စိတ်နှလုံးရွှင်ပြုံးကြပါစေ

ဒါမှပြဿနာ

        တနေ့စိတ်ရောဂါကုဆရာဝန်တစ်ယောက်ထံလူနာတစ်ယောက်ရောက်လာသည်။
           `ဆရာ...ကျွန်တော်ညညဆိုအိပ်မပျော်ဘူးဖြစ်နေတယ်ဗျာ။အဲဒါဘယ်လိုလုပ်ရမလဲဆိုတာအကြံ
ပေးပါအုံး။`
           `ဒါကလွယ်ပါတယ်။ခင်ဗျားအိပ်ယာဝင်ပြီဆိုစိတ်မသက်မသာဖြစ်မယ့်ကိစ္စတွေအိပ်ယာထဲယူ
မသွားနဲ့ပေါ့ဗျာ။
           `အဲဒါမှဒုက္ခပဲဆရာ။ကျွန်တော့်မိန်းမကအိပ်ယာခွဲမအိပ်ဘူးလို့ပဲပြောနေတယ်။
အားလုံးကိုယ်စိတ်နှလုံးရွှင်ပြုံးကြပါစေ

ဆရာကောင်းတပည့်

           စာသင်ခန်းတခုတွင်ဆရာမကမူလတန်းကလေးငယ်တွေကိုတိရစ္ဆာန်နံမည်တွေသင်ပေးနေသည်။
ဆရာမကသမင်ပုံတစ်ပုံကိုကျောက်သင်ပုန်းတွင်ချိတ်ပြပြီးကလေးငယ်တစ်ယောက်ကိုမေးလိုက်သည်။
             `ဘီလီရေ၊ ဒါကိုဘာလို့ခေါ်သလဲကွယ်`
          ဘီလီလေးကပုံကိုဇဝေဇဝါကြည့်ရင်းပြန်ဖြေလိုက်သည်။
             `မသိပါဘူးဆရာမ`
          ဆရာမဖြစ်သူကလည်းလွယ်လွယ်နှင့်လက်မလျော့တတ်သူမို့နောက်တစ်ခါထပ်မေးလိုက်ပြန်သည်။
            `ကဲဒါဆိုသားအမေကသားအဖေကိုဘယ်လိုခေါ်လဲဘီလီ`
          ထိုအခါဘီလီလေးမျက်နှာဝင်းထိန်သွားပြီးရုတ်တရက်စိတ်ရှုတ်ထွေးသည့်အမူအရာနှင့်ဆရာမကို
ပြန်မေးလိုက်သည်။
           `ဆရာမ၊ အဲဒါတကယ်ပဲဝက်ကြီးလားဟင်`

အားလုံးကိုယ်စိတ်နှလုံးရွှင်ပြုံးကြပါစေ

လင်းပန်းအိမ်

      ကျမငယ်ငယ်ကစာရေးဆရာလုပ်မယ်စိတ်ကူးမိတော့လေထဲတိုက်အိမ်ဆောက်တဲ့အနေနဲ့ကလောင်နံ
မည်ကိုကြိုစိတ်ကူးယဉ်ခဲ့တာပေါ့။နံမည်တွေအမျိုးမျိုးစဉ်းစားမိပေမယ့်သဘောမကျဖြစ်နေရင်းစာပန်းအိမ်ဆို
တဲ့ဘော်ဒါဆောင်လေးတခုကိုသိလိုက်ရတော့ပညာရနံ့တွေထုံသင်းနေတဲ့အရိပ်အမြုံလေးလို့ကိုယ်ဘာသာ
အဓိပ္ပါယ်ကောက်ရင်းနှစ်သက်သဘောကျမိတယ်။အဲဒါနဲ့ကျမရဲ့ကလောင်နံမည်လေးကိုလင်းပန်းအိမ်ရယ်
လို့လူမသိသူမသိကင်ပွန်းတပ်လိုက်တာပေါ့။
      ကျမစာရေးချင်တဲ့ရည်ရွယ်ချက်ကလည်းအသိဥာဏ်အင်အားနည်းပါးသေးတဲ့သူတွေကိုကိုယ်သိထား
သလောက်ပြန်ဝေမျှအလင်းပေးချင်တာပါ။တောက်ပလင်းလက်တဲ့ညတွေအတွက်တော့အလင်းတမှုန်က
မပြောပလောက်ပေမယ့်အမှောင်ညတွေအတွက်တော့အသုံးဝင်သလို၊ညှိုးနွမ်းတဲ့ပတ်ဝန်းကျင်အတွက်ပန်း
ရနံကတစက်ပင်ဖြစ်ပါစေထိုက်သင့်သလောက်တော့မွှေးပျံစေနိုင်တယ်ဆိုတဲ့အဓိပ္ပါယ်လေးပါ။
      ဂျာနယ်လစ်ပေါက်စတစ်ယောက်ဖြစ်လာတော့ဒီကလောင်နံမည်ကိုသုံးဖြစ်ခဲ့ပေမယ့်အကြောင်း
ကြောင်းကြောင့်ဒီလောကကထွက်ဖြစ်ခဲ့တာမို့ကျမသဘောကျနှစ်ခြိုက်လှတဲ့ဒီကလောင်ကိုသိမ်းဆည်း
ထားခဲ့ရပါတယ်။
      ဒီလိုနဲ့အင်တာနက်အလွယ်တကူသုံးလို့လည်းရလာရောချိုးနှိမ်မေ့ပျောက်ထားခဲ့ရတဲ့စာရေးချင်စိတ်
ကတစခန်းထလာတာမို့ဘလော့ရေးဖို့စိတ်ကူးမိတော့စာရေးဆရာရူးရူးခဲ့ချိန်ကစလို့ဆယ်စုနှစ်တစ်
စုစာမကနှစ်သက်ခဲ့တဲ့ဒီနံမည်ကိုပဲသုံးဖြစ်ခဲ့ပါတယ်။သူငယ်ချင်းမောင်လေးတစ်ယောက်ကတော့နံမည်
ကထောင့်ထောင့်ကြီးမကောင်းဘူးဆိုပြီးတခြားနံမည်စဉ်းစားဖို့အကြံပေးခဲ့ပေမယ့်လည်းခေါင်းမာစွာပဲဒီ
နံမည်ကိုရွေးခြယ်လိုက်တယ်။(ကိုရေခဲရေ.....ဆောရီးပါနော်။)
                            အားလုံးကိုယ်စိတ်နှလုံးရွှင်ပြုံးကြပါစေ

တောင်းပန်စကား

             ကျမဘလော့မှာပရိတ်သတ်မရှိသေးပေမယ့်မရှိသေးတဲ့ပရိတ်သတ်ကိုပဲတောင်းပန်စကား

ဆိုပါရစေ။ဘလော့ကိုစတင်ဖန်တီးချိန်ကစလို့ခုချိန်ထိအလုပ်မအားလပ်တာကတကြောင်းကျန်းမာရေးမ
ကောင်းတာကတကြောင်းကြောင့်လုပ်လက်စဘလေ့ာကိုဒီအတိုင်းပစ်ထားလိုက်တာအတော်ကြာသွား

ပါတယ်။ရေးချင်တာလေးတွေရှိနေပေမယ့်လက်တွေ့တော့ချမရေးဖြစ်ခဲ့ပါဘူး။အခုတော့စိတ်အား၊လူအား

ဖြစ်ပြီမို့ဘလော့ဘက်ကိုပြန်လှည့်နိုင်ပါပြီ။ဘလော့နဲ့ပက်သက်ပြီးမကျွမ်းကျင်ပဲစာရေးချင်စိတ်ကြောင့်
သာတတ်သလောက်ဖန်တီးထားတဲ့ဘလော့မို့လိုအပ်ချက်တွေများပေမယ့်အဆင်ပြေအောင်ကြိုးစား

ဖန်တီးထားပါတယ်။ဘလော့ရေးမယ်ဆိုတည်းကအားပေးပါမယ်လို့(အားနာစွာနဲ့)ကတိပေးထား
ကြတဲ့သူငယ်ချင်းများအားလုံးကိုလည်းခုလိုနှောင့်နှေးနေတဲ့အတွက်တောင်းပန်ရင်းဆက်အားပေး

ကြပါဦးလို့။

မိမိကိုယ်ကိုမှန်မှန်ကန်ကန်ချစ်ကြပါ

      ခုလိုနည်းပညာတိုးတက်နေတဲ့ခေတ်ကြီးမှာအရာရာကိုအလွယ်တကူလေ့လာနိုင်တဲ့အခွင့်အလမ်း
ကောင်းတွေရှိနေပါပြီ။ကိုယ်သိချင်တာတတ်ချင်တာမှန်သမျှအချိန်နဲ့တပြေးညီလေ့လာလို့ရတဲ့အင်တာ
နက်နည်းပညာထွန်းကားလာတာကျမတို့အတွက်မဟာအခွင့်ကောင်းပါ။ဒီအခွင့်အရေးကိုကျမမှာဒီအ
ရွယ်ရောက်မှသုံးရကောင်းမှန်းသိတာမို့အသိနောက်ကျလေခြင်းရယ်လို့နှမြောတသဖြစ်မိတယ်။ကျမ
သိချင်၊လေ့လာချင်တာတွေကများလွန်းတော့အင်တာနက်သုံးလို့အားမရနိုင်ပါဘူး။ဘဝအတွက်ကြိုး
စားရုန်းကန်နေရသူမို့အချိန်အားမရှိတာလည်းပါတာပေါ့။ဒါကြောင့်ကိုယ့်အချိန်ကိုယ်ပိုင်ခဲ့တဲ့ကျောင်း
သားဘဝကိုတကယ်တမ်းတမိတယ်။
       ခုခေတ်လူငယ်တွေလည်းအင်တာနက်ကိုအားကြိုးမာန်တက်သုံးကြပါတယ်။အချိန်ပြည့်အင်တာ
နက်ဆိုင်မှာရှိတတ်ကြတာကိုး။အင်တာနက်သုံးဖို့သွားတိုင်းစောင့်ရတတ်တာမို့ဒါသူတို့လေးတွေအတွက်
အလားအလာကောင်းဖြစ်လို့တကယ်ကိုကျေနပ်အားရမိပါတယ်။ကျောင်းသားဘဝမှာကျောင်းစာအပြင်
အိမ်ဗာဟီရအနည်းငယ်ကလွဲလို့လုပ်ငန်းခွင်ဝင်နေတဲ့သူလောက်အလုပ်မများသေးတဲ့အရွယ်ပါ။မိဘစီး
ပွားရေးကိုတဖက်တလမ်းကကူညီနေရသူတချို့တလေကလွဲရင်ပေါ့။ကိုယ့်အချိန်ကိုယ်ပိုင်တဲ့လူငယ်ဘ
ဝမှာဘဝအတွက်အကျိုးရှိမယ့်အရာတွေကိုလေ့လာသင့်တယ်။
      ဒါပေမယ့်သူတို့လေးတွေကိုကျမတကယ်အံ့သြမိပါတယ်။သူတို့ကအင်တာနက်ကိုchattingထိုင်ရုံ
သက်သက်သုံးနေကြတယ်။အရာရာကိုလေ့လာသင်ယူလို့ရတဲ့အဖိုးတန်ပညာရပ်ကိုခုလိုပေါ့ပေါ့တန်
တန်သဘောထားနေကြတာမြင်တော့စိတ်မသက်မသာဖြစ်မိတယ်။ဒီနည်းပညာကိုတီထွင်ပေးခဲ့တဲ့
သူတွေကိုအားနာစရာပါ။ကျမတို့ရဲ့မြန်မာလူငယ်တွေအဖိုးတန်အချိန်တွေကိုအလဟသဖြုန်းတီးမဲ့
အစားဘဝတက်လမ်းမှာအထောက်အကူဖြစ်စေမယ့်အရာတွေအတွက်အသုံးချကြစေချင်တယ်။ဟိုး
အရင်ကဆိုတခုခုသိချင်ရင်ဒီလောက်မလွယ်ပါဘူး။အားကိုးစရာစာအုပ်တွေပဲရှိခဲ့တာမို့အခက်အခဲ
တွေတပုံတပင်ပါ။
      အင်တာနက်ဆိုတာသိလိုသမျှချက်ခြင်းအဖြေရှာပေးနိုင်တဲ့အရာ။လေ့လာချင်တာမှန်သမျှအချိန်
မဆိုင်းလေ့လာနိုင်တယ်။ကိစ္စတော်တော်များများမှာတကယ်ကိုအသုံးဝင်တဲ့အရာပါ။ဒါကိုကျမတို့ဆီ
ကလူငယ်တွေမသိကြတာလား။သိရဲ့သားနဲ့မလုပ်ချင်ကြတာလား။လူငယ်ဆိုတာအပျော်အပါးမက်
တတ်တာသဘာဝပါ။ဒါပေမယ့်ကိုယ့်ဘဝကြီးပွားတိုးတက်ရေးကိုလည်းစဉ်းစာရမယ်။ကိုယ့်အတွက်၊
ကိုယ့်မိသားစုအတွက်၊နောက်ဆုံးကိုယ့်တိုင်းပြည်အတွက်အထိုက်အလျောက်လေ့လာသင်ယူနေသင့်
တယ်။ဒါကြောင့်မို့အဖိုးတန်အချိန်တွေကိုchatting ထိုင်ရုံ၊အပျင်းပြေသီချင်းနားထောင်ရုံနဲ့မဖြုန်းတီး
ပစ်ကြပဲကိုယ်ဝါသနာပါရာလေ့လာရင်းအင်တာနက်ကိုအကျိုးရှိရှိအသုံးချကြဖို့အကြံပေးချင်ပါတယ်။
လူငယ်တိုင်းကိုယ့်ကိုကိုယ်မှန်မှန်ကန်ကန်ချစ်တတ်ကြပါစေ။

အချိန်တိုင်းကအဖိုးတန်ပါတယ်

        ကျတော်မိတ်ဆွေတစ်ယောက်ရဲဇနီးဈာပနကိုသွားတော့မိတ်ဆွေဖြစ်သူကဝမ်းပန်းတနည်းငိုကြွေးနေတာကိုစိတ်မကောင်းဖွယ်ရာတွေ့လိုက်ရတယ်။မိတ်ဆွေက သေသေသပ်သပ် ထုပ်ထားတဲ့အထုပ် တစ်ထုပ်ကိုသူဇနီးဗီရိုထဲက ထုတ် လာ ရင်း ဝတ်စုံလေး ကိုသူတို့ဒီနွေမှာဂျာမနီ  သွားရင်းဝယ်ခဲ့တာဖြစ်ကြောင်း၊   ဒီဝတ်စုံလေးကိုဇနီးသည်ကအလွန်မြတ်နိုးကြောင်းနဲ့ ဒီဝတ်စုံလေးကိုအခုနှစ်နာတာလူးပွဲမှာဝတ်ရန်စီစဉ်  ထားကြောင်း ဆို့နင့်စွာပြောပြနေရှာတယ်။

       အဲဒီနေ့ကစလို့ကျတော်ရင်ထဲမှာအသိတစ်ခုရခဲ့တယ်။ဘယ်ပွဲကျမှဒါကိုဝတ်မယ်၊ဘယ်ချိန်ကျမှဒါကိုစားမယ်၊ဘယ်တော့မှဒါကိုလုပ်မယ်ဆိုပြီးသီးသန့်ရည်ရွယ်ထားတာမျိုးမလုပ်ဖြစ်တော့ဘူး။ကျတော်တို့အသက်ရှင်နေသမျှ ကာလမှာ စက္ကန့်တိုင်းကအဖိုးတန်လှပါတယ်။

        ဒါကြောင့်အခုဆိုရင်ဘယ်လောက်တန်ဖိုးကြီးတဲ့ဝတ်စုံဖြစ်ပါစေဝတ်ချင်ပြီဆိုရင်ညနေခင်းလေညင်း ခံထွက်ရင်းဝတ်ချင်လည်းဝတ်ပစ်လိုက်တာပဲ။ ရုပ်ရှင်ကြည့်ချင်တယ်။ဒါမှမဟုတ်နံမည်ကျော်တရုတ်စာတွေ

စားချင်တယ်လို့စိတ်ကူးရတာနဲ့ ချက်ခြင်းလုပ်ပစ်လိုက်တယ်။ တခါတလေဆို အလုပ်တွေကိုဘေးဖယ်ထား ပြီးမိသားစုနဲ့ပန်းခြံမှာ၊ဒါမှမဟုတ်အိမ်ရှေ့ဝရန်တာမှာ ဝိုင်းထိုင် စကားပြောတာမျိုးတွေကိုလုပ်ဖြစ်လာတယ်။

        ကိုယ့်မိဘကိုဖြစ်စေ၊ ကိုယ့်သားသမီးကိုဖြစ်စေ၊ မိတ်ဆွေအပေါင်းအသင်းကိုဖြစ်စေ၊ ချစ်ပါတယ်ဆိုတဲ့

စကားပြောဖို့တွေဝေဆုံ့ဆိုင်းမနေပါနဲ့။ ဒီစကားပြောဖို့သတိရတဲ့အချိန်ဟာဥာဥ့်နက်သန်းခေါင်ဖြစ်နေပါစေ။

ပြောဖြစ်အောင်ပြောလိုက်ပါ။ကျတော်မိတ်ဆွေရဲ့ဇနီးလိုမဖြစ်နိုင်တော့တဲ့အခြေအနေမျိုးရောက်သွားမှ နောင်တရပူဆွေးနေရုံအပြင် ဘာမှတတ်နိုင်တော့မှာမဟုတ်ပါဘူး။

        ကျတော်တို့ဘဝတွေရဲ့နေ့ရက်တွေတိုင်းဟာအရေးကြီးတဲ့အထူးအခါသမယတွေချည်းပါပဲ။အချိန်ဟာလက်လွှတ်မခံသင့်တဲ့ အဖိုးတန်ရတနာပါ။ ဒါကြောင့်ကိုယ့်ဘဝရဲ့အဖိုးတန်ရတနာကိုတွေဝေဆုံ့ဆိုင်းမှုတွေနဲ့ အလဟသမဖြုန်းတီးပစ်ဖို့ ပြောလိုက်ပါရစေ။

       

စိန်ခေါ်သံ

လောကဒဏ်ရေ.............

ငါဟာမိန်းမသားဆိုတာ

နင်မေ့နေလျော့သလား

ကြမ်းကြမ်းတမ်းတမ်း

ရိုက်ပုတ်လိုက်ပုံများ

မမြင်ရက်စရာ

သွေးအလိမ်းလိမ်းနဲ့ပေါ့

ဒါပေမယ့် လောကဒဏ်ရေ......

မိန်းမသားဆိုတဲ့ငါက မတုန်မလှုပ်

ဒင်းကြမ်းထပ်နေတဲ့ဒဏ်ရာတွေနဲ့

ကြံ.ကြံ.ခံထူမတ်ပြမယ်

နင်လည်းအစွမ်းရှိသလောက်

ငါလည်းခံနိုင်ရည်ရှိသလောက်ပေါ့

ကဲ....ရိုက်ခတ်လိုက်စမ်း

လောကဒဏ်ရေ

ငါကအားမလျှော့စတမ်း

ရင်ဆိုင်အံတုမယ်

အသက်နဲ့ ငါ့ခန္ဓာ

အိုးစားမကွဲခင်ထိပေါ့။

အားပေးကြပါနော်

ခုမှစာစရေးသူမို. အမှားပါသွားရင်ခွင့်လွှတ်ပေးကြပါ. ကျမစာကိုဖတ်လို.အကျိုးမထူးသွားရင်တောင်အဆိပ်အတောက်မဖြစ်စေဖို. ကြိုးစားပါမယ်